Ragnheiður Friðriks

2009-03-30T19:12:00.002Z

Vúei vúei... prófa hringur 1 af 3 búinn.

En annars er lífið aðeins að birta til hjá sér þessa dagana, eftir smá vetur í hjarta og kalt úti. Munar geðveikt miklu að hafa sól og pínu heitara, svo maður getur verið í jakka og sætur í sumarfötum. Núna er maður aftur byrjaður að sitja sveittur við að læra anatómíuna af neðri útlimum. Er ekki frá því að það hafi verið vottur af söknuði frá þeim snilldar lærdómi.

Annars finnst mér mest mega við breytt veðurfar, er þegar maður vaknar extra snemma (á föstudaginn kl hálf 6, laugardaginn um hálf 8, sunnudaginn kl hálf 7 (en útaf tímamismuninum var kl orðin hálf 8) og í morgun kl hálf 6) þá heyrir maður í uglunum, það er bjart og fullt af fuglum að syngja. Það er alveg nettur útlandafílingur í því og ekkert smá fínt að heyra svona vorhljóð. Einmitt snjóaði í síðustu viku og það var í ca. 4 skiptið síðan við komum út í febrúar sem að það snjóaði í nokkra daga. Frekar glatað. En ég hef trú á því að núna séu dagar snjósins taldir.

Annars var dagurinn í dag frekar magnaður. Vaknaði kl hálf 6 til þess að reyna að krafsa í bakkann á þessu blessaða prófi sem var í morgun (...eefast um að það hafi tekist... en ég meina). Svo vorum við búin í prófinu kl 9 og þá var nú heldurbetur tekið strunsið heim og upp í rúm. Þá svaf ég ljúft til að verða 2 :) ekkert smá næs. Þá var nú aldeilis vakið Helgu og við drifum okkur í smá shopping trip. Ég keypti meeeeega fína skó, belti og íþróttajakka, ekkert smá sátt með lífið. Svo var nú aldeilis slegið um sig og fengið sér núðlur í kvöldmatinn (ca. tíunda daginn í röð) .... tralalaleiii...!

Annars er nú stefnt á það að smella sér til Tyrklands á þetta fína hótel. Þar ætla ég að hitta Óla, Siggu, Heiði Ósk og Magnús Orra og vera með þeim í viku áður en ég kem heim :)

Held þetta verði bara ææææði :)

2009-03-14T21:45:00.002Z

Tralalalalei. Anóbúin og Cell biology (frumulíffræði) á mánudaginn.

Annars datt mér í hug að smella inn einni færslu svona af því að ég á að vera að læra á annars þessu frábæra, djammvæna og skemmtilega laugardagskvöldi. Anatómían gekk ógeðslega vel og ég er barasta mega sátt með lífið og anóprófið. Vonandi að maður haldi þessu bara áfram, þá er maður á ágætis siglingu hérna í læknalærdómnum.

Ég og Lover að læra anatómíu fyrir prófið núna á miðvikudaginn, ekkert nema einbeiting!

Svo tók leiðinlegur hversdagsleikinn við með hlutum sem maður fær ekki stjórnað. Og cell biology próf framundan, þannig að planið er að gera ekkert á mánudagskvöldið eftir það próf, því þá er stund milli stríða og 10 dagar í næsta stóra próf. Reyndar er fótboltaæfing, en það er gaman, þannig að það verður allt í lagi, þó svo að ég sé þreyttari en búrhvalur þar eftir 10 skref, en þolið kemur með kalda.

Annars þá áttum við þríeykið, ég Anna María og Helga kósítæm um daginn og smelltum af nokkrum góðum myndum þar sem við vorum í anópásu.

ekkert nema ást hjá lovers

loooooovera kúr - best!

En jæja, lífið kallar og cell bio.... blellert!

2009-03-05T10:29:00.002Z

Jeij, ég fékk út úr erfðafræðiprófinu í gær, nett sátt með þá einkunn og árangurinn. Núna er það bara anatómía og ekkert annað.

Ég er ekki frá því að ég muni láta lífið að litlum hluta áður en að þessi mánuður verður búinn. Anatómíupróf á miðvikudaginn, svo á mánudaginn strax eftir það er cell bio próf. Svo reyndar eftir það höfum við einhverja 11 daga í næsta próf, þannig að maður ætti að geta andað eftir Cell Bio prófið í eins og 10 sekúndur. En þá er það histopróf + fyrirlestur í Cell Bio. Djammið lifir!

Það væri geðveikt gaman ef ég gæti sagt ykkur sögu af einhverju geggjað skemmtilegu sem gerist hérna, en neibb. Það gerist bara ekki neitt skemmtilegt. Við sitjum bara sveitt að læra og jú, við fórum út að borða á mánudaginn á Wasabi. Þar fékk ég kjúllasúpu sem var mjög góð. Var samt bara einn kjúllabiti í henni, en ég lifði. Jafnast samt ekkert á við kjúklingasúpu unaðinn með sýrða rjómanum og appelsínugula doritosinu.... Unaður á hærra leveli.

Jú, eitt nett fréttnæmt. Ég er farin að rifja upp gamla takta á hjólfáknum sem hefur varla verið brúkaður síðan í september/október. Maður hatar það nú ekki, nema að ég þarf að koma hjólinu upp og niður með lyftunni í húsinu (það er btw of stórt fyrir lyftuna, þannig að þar er smá sviti alltaf). Svo þarf ég alltaf að fara upp eða niður hálfan stiga með hjólið, opna 2-3 hurðar á leiðinni og setja það svo inn á forstofu ganginn. Þetta er nett leikfimi útaf fyrir sig og ekki mjög svo hvetjandi fyrir áberandi fleiri afrek á hjólinu blessuðu. En ýmislegt leggur maður á sig.

Annars heimta ég bara komment. Myndir (þær ofur fáu sem ég hef tekið) verða settar hérna inná um leið og ég redda mér myndavélasnúru í Canonvélina mína, þannig að ef einhver á þannig auka og langar að gera góðverk, má endilega senda hana út til mín. Csapó Utca 4, 3./56, 4029 Debrecen, Hungary.

Lifið heil og lifi djammið. Heimta komment og anatómíustrauma næstu vikuna.

Blellert!

2009-03-02T12:21:00.003Z

Vá, ég er svo uppiskroppa með frasa til að byrja blogg að ég er að verða heví andlaus.

Það er bara mjög eðlilegt að við þurfum að mæta í próf uppúr 7 á morgnana. Ég get nú ekki sagt að ég hati það... en ég ber samt illhug í brjósti gagnvart því. Fyrsta próf annarinnar var í dag í genetics og eins og síðustu skipti sem ég hef tekið próf, þá er þetta ákveðin seremónía sem tengist mér og Önnu Maríu.

Við vorum s.s. nokkur heima hjá henni í gær að læra, fara yfir glósur og annann unað sem kennarinn okkar hafði látið okkur hafa. En umræðurnar fara alltaf á eitthvað hærra plan þegar maður er í hópi læknanema hérna úti. Engin umræða er off limit og það er bara sama hvað það er. Ég hugsa að þetta sé af því að hérna er líkaminn ákkúrat það sem við erum að læra niður í ræmur. Allt sem viðkemur líkamanum og hvernig það gengur ALLT fyrir sig og svo þurfum við jú seinna meir að læra allt sem getur farið úrskeiðis í öllum líkamanum. Við endum venjulega í kasti yfir því hversu óraunhæfar þessar samræður væru heima á Íslandi í okkar eigin vinahópum.

Svo var náttúrulega nettur allnighter bragur á okkur, ég og Anna rifjuðum náttúrulega upp gamla takta í peppinu, ný lærdómstækni var brúkuð - við stóðum öll í hring og köstuðum sokkabolta á milli og romsuðum skilgreiningum upp og lærðum þær. Svo endaði þetta náttúrulega í hinu eina sanna loverakúri, þó svo að við höfum alveg sofið í nótt, þá áttum við unaðsstundir saman í draumaheimi í nokkra klukkutíma fyrir prófið. Næstum því allnighter, en samt betra. Hahaha!

Annars gekk prófið líka bara svona glymrandi, glymrandi vel. Eftir hörku góðan lærdómsdag og aðra snilld þá gengum við glöð út úr prófinu klukkan rúmlega 8 í morgun. Því að mætingin var kl 7. Óþarfi að nefna það að auðvitað mættu ég og Anna aðeins of seint þar sem að við þurftum að bíða heví lengi eftir leigubíl og svo fundum við ekki prófasalinn prófasalinn, síminn minn dauður og enginn svaraði í símann þegar Anna hringdi. Nett panikk, en það er gaman að því svona í stressprófa morgunsárið.

Núna er stefnan tekin á anatómíulærdóm þangað til að ég get kallað sjálfa mig Antal og anatómíudjöfullinn hefur andsetið mig.

Þetta er hinn umtalaði djöfull

2009-02-22T17:47:00.002Z

Úff hvað ég væri til í bollur.

Annars er lítið að frétta nema að við fórum á ekta ungverskan veitingastað í gær. Voða kósí og allt það.. en maturinn ekki góður. ojj

á föstudaginn var samt farið á kashmir og fengið sér góðan mat... kashmir klikkar aldrei. Svo var haldið heim til Rutar í partý, rosalega gaman! Þar fór húsráðandi á kostum sem stand all around comedian. Haha, ógeðslega fyndið. Svo var bara skellt sér á silence í góðu glensi og ég fór heim.

En í gær, þá var þessi ungverski viðbjóður á boðstólnum og við enduðum á kaffihúsi, þar sem ég drakk ekkert af kaffinu því ég fattaði að ég hafði pantað kaffi með mjólk. flott ragnheiður.

En við fengum að dissecta lík um daginn í anatómíu. Ég dissectaði reyndar ekki neitt því allir vildu komast að og ég með mitt "jafnaðargeð" tók þá meðvituðu ákvörðun að skoða frekar höndina sem var þarna í boði og tjékkaði á vöðvunum þar. Heh.

En þetta var nú ekki jafn sjokkerandi og ég hafði haldið að þetta yrði fyrir mig. Þetta er náttúrulega allt í þágu vísinda og þekkingar og við heppin að fólk skuli gefa líkama sinn í þetta.

Lífið herna er s.s. bara eins og venjulega. Nema að ég sakna heim eitthvað extra mikið núna þessar fyrstu vikur. Veit ekki alveg hvað það á að þýða. ooog mig langar í bollur!

2009-02-16T18:49:00.002Z

Jáh, börnin góð. Ungó er áfram sama snilldin og venjulega.

Hér er lífið orðið heldur betur meira stressaðra en á síðustu önn, en líka skemmtilegra. Anatómía, Sameindalíffræði, frumulíffræði, snilld á snilld ofan ... Genetics og ég veit ekki hvað og hvað :) Maður þarf nánast að halda aftur að sér við að demba sér ekki bara beint ofan í anatómíuna, en skiljanlega er það mest spennandi núna.. :) En ekki það... maður fær ekkert tækifæri til þess að vera með einhvern valkvíða því frá og með fjórðu viku verður próf sem skiptir máli í hverri einni og einustu, uppá að geta fengið undanþágur frá lokaprófum. Þannig að læridjammið er byrjað af krafti.. allavega miðað við mig. Haha.

Annars erum við búin að vera dugleg að borða síðustu daga saman. Á fimmtudaginn komu Anna María, Arnar, Helga og Gylfi í mat og við fengum okkur Csapó pizzu... sem eru btw með þeim bestu í þessari veröld. Á föstudaginn fór ég með Bergþóru og fullt af fleiri íslendingum á Vapianos og svo heim til Þuru og Anders að spila Bresku útgáfuna af Trivial Pursuit. Liðið mitt og Bergþóru vann að sjálfsögðu á lokaúrslitaspurningu.. very nice. Svo var bara skellt sér í singstar og á silence.

Á laugardaginn var okkur boðið í lasagne heim til Önnu Maríu ... en það endaði sem pasta með sósu... en pastað var megatron gott svo að maður kvartar ekki yfir lasagne skorti ;D Smá tæknilegir örðugleikar í eldamennskunni ;) Svo í gær, ætluðum við aldeilis að skella okkur á sunnudagskósímat og fara á KFC... but nooo! Búið að loka þannig að við neyddumst til þess að fara á Vapianos og þar fékk ég mér unaðspizzu með parmaskinku, fíkjum og hunangi. Svo gott!

En annars þá lifir djammið bara áfram. Núna er ég að kötta allan sykur út úr kerfinu á mér, mér finnst það ekki mjög spennandi - en.. maður reynir eins og maður getur. Engin mjólk og enginn sykur næstu 3 vikurnar.. vúppídúei! svo eftir þann tíma ætla ég aðeins að sjá til. Djammið lifir en ekki nammið. Ávextir, grænmeti og hafragrautur er það eina sem mér dettur í hug... þannig að komið endilega með uppástungur að einhverri sykurlausri/mjólkurlausri snilld.

Blellert!

2009-02-08T21:42:00.002Z

Jú, þá er maður mættur til Debrecen á ný. Einhvern veginn var mun erfiðara að fara og kveðja núna, miðað við í ágúst. Ég ætti að vera orðin nokkuð vön að kveðja, enda á árinu 2008 var ég í samtals 3 og hálfan mánuð heima á Íslandi. Hvar ég var allan hinn tímann er nokkuð vel skipt niður, Útskriftarferðin sem var London í nokkra daga,
Tenerife í viku,
svo Ísland í viku,
Leeds í 6 vikur,
Ísland í mánuð,
Bergen í 2 mánuði,
Ísland um sumarið,
svo Debrecen frá ágúst fram í lok des.

Ég held ég hafi talið flugin mín einhvern tímann um daginn og þá var ég komin í yfir 20 flugferðir á einu ári. Neeeett.

Annars er nokkuð nett að vera komin út á ný. Íbúðarsnilldin var jafn mikil snilld og alltaf, nema að þar sem að maður þarf nú að sinna svona "karllægum" störfum eins og að skipta um peru, þá varð allt rafmagnslaust inni hjá okkur og ekkert hægt að gera í því nema banka uppá hjá nágrannanum því að við vissum ekkert um rafmagnstöfluna okkar.. Þá var hún bara í stigaganginum og læst inní einhverjum skáp sem að við gátum ekki opnað - en það tókst loksins eftir að fólkið beggja vegna við okkur var búið að möndlast í skápnum. Þá var nú aldeilis slegið inn rafmagninu nema það kom bara ekkert í stofuhlutanum af íbúðinni... en þetta tókst svo allt fyrir rest, enda er rafmagnsfræðin okkar fag, en ég Bergþóra og Helga María tókum höndum saman ljóshærðar og fundum út úr þessu.

En í gær var gert sér glaðan dag með því að fara út að borða á Kashmir. Það var jafn mikill unaður og vanalega. Á leiðinni heim komum við við á Belgian og fengum okkur verdens beste Mojito og ég og Belli nánast önduðum honum inn að okkur, enda var horfið úr glasinu áður en maður vissi af. Nokkuð nett. Svo hérna heima gengum við í kampavínið sem við vorum búnar að byrgja okkur upp af fyrr um daginn, fengið sér nokkra Soproni og hvítvín líka. Það vita allir hvernig þetta endar, en þetta var mjög svo nett skemmtun og ölvun var í hámarki (sorrí mamma og pabbi). En maður stóð nú í fæturnar, bar höfuðið hátt og kom óskaddaður á andlegu og líkamlegu hliðinni, þrátt fyrir mjög svo ungverskt þema inni á silence.

Heilsan í dag er búin að vera í takt við blessað djammið - en það lagaðist allt eftir að ég föndraði nokkuð nettar pancakes sem voru betri en allt í þessu lífi.

Svo byrjar skólinn bara á morgun ... vúeiii.. !!

2008-12-23T19:26:00.002Z

Ég er búin í prófum, snilldin sem það er! Er á leiðinni heim til Íslands í nótt og stefnan er tekin á jólamatinn í faðmi stórfjölskyldunnar. Orð fá ekki spenningnum lýst. :)

Prófin eru búin og ég gæti ekki verið hamingjusamari með þetta allt saman. Er búin að fá út úr báðum og get unað sátt við mitt, klárlega. :) Biophysics prófið var samt mjög ósanngjarnt og það var 70% fall í prófinu - en sem betur fer var ég ekki ein af þeim og stend uppi með mjög góða einkunn :D Bara mest fegin að þessi áfangi sé búinn!!!!!

Svo átti ég best nótt lífs míns núna í nótt, þar sem ég og Anna María lover með meiru, tókum allnighter á þetta og lærðum Medical Chemistry stanslaust frá prófsýningunni af biophysics fram að við mættum í prófið í morgun kl 9 (þó svo að við mættum 1 og hálfum tíma á undan áætlum... vorum nett í ruglinu;)). Ég er nokkuð viss um að ég hafi slegið met í svefngölsum þessa nótt og þarna var tekinn allur tilfinningaskalinn eins og hann leggur sig.

Hérna koma nokkur dæmi um góða frasa sem litu dagsins ljós

við hljótum að ná þessu
helvítis Louise Wickmann
ÞETTA ER BÚIÐ
heldurðu að þeir komi nokkuð með eitthvað svona á prófinu?? - mjög vinsæl (og ennþá vinsælla svar er: neeeei pottþétt ekki)
við förum ekki að sofa fyrr en við erum búin að læra hvern einasta minimala betur en allt
helvítis general chemistry
helvítis inorganic chemistry
ógeðslegu steroids
nei, svona seriously, við hljótum að ná þessu!!!
við erum svo mest að fara að falla
josh groban, settu smá kraft í þetta!! KEYRÐU ÞETTA Í GANG! (það var hlustað á allar heimsins útgáfur af Oh Holy Night - Josh Groban olli vonbrigðum... ég meina, eftir að hafa hlustað á útgáfuna með Mariah Carey þá er ekki hægt að bera saman...)
við erum screwed...
hvað vorum við að spá með að ætla að fara heim fyrir jól!!?!?! erum við vangefin?
in your face!!!
... read it and .... ooooohhh (fyndnasta atriði sögunar þar sem ragnheiður játaði sig sigraða fyrir barbituric acid... helvítis barbituric acid) - svo var grenjað úr hlátri... ég hélt ég myndi ekki lifa lengur
aniline var fyndasti brandarinn
virág var hótað þakklætissleik ef að nokkur vel valin atriði kæmu á prófinu... sem betur fer komu engin af þeim

.... þetta er bara brot af þeirri snilld sem fór fram þessa blessuðu nótt. Þetta er reyndar staðreyndin að á síðustu 2 sólarhringum hef ég sofið í samtals 6 tíma... 4 tíma fyrir biophysics prófið svo var bara tekinn nettur 2 tíma lúr í dag eftir allnighterinn....!

Annars verð ég að fara að pakka niður og pakka inn jólagjöfunum.... ég er náttúrulega ekki farin að huga að því að ganga frá dótinu mínu... enda ekki mikið annað en lærdómur búinn að komast að síðustu vikurnar...

Brottför frá Csapó Utca 4 kl 2 í nótt.... ekki nema 6 tímar í það... hlakka nett til að fá almennilegan nætursvefn

2008-12-17T09:28:00.002Z

Nei, gúten.

5 og 6 dagar í próf (biophysics snilldin eftir 5 daga, efnafræði eftir 6 daga). Messta snilldin er samt eftir viku, þá verð ég á leiðinni HEIM!

En allavega, ég er orðin lögleg í landi Ungverjanna. Fór og skráði mig inn í landið í gær og það gekk nú bara eins og í sögu, fékk kortið góða og fólkið var almennt næs. Maðurinn sem sá um umsóknina mína hló þegar hann sá íslenska vegabréfið og spurði hvort ég ætti nokkuð einhverja peninga. Jébb, það er hlegið að manni í dag... og hvað þá Ungverjar, sem eru ekki einu sinni þekktir fyrir að vera vel staddir sjálfir. En það er gaman að geta gert grín að þessu, svona þegar maður á ekki neitt og er námsmaður á námslánum.

Annars er ég búin að klára alla áfanga nema efnafræði og biophysics, en lokaprófin eru í næstu viku. Rúllaði þessu lab prófi í Biophysics upp, ásamt latínu, first aid og medical psychology. Vil meina að þær góðu einkunnir sem ég hef fengið hingað til komi til með að vega upp reddinguna í næstu viku. Þetta verður eitthvað...! :|

En nýja þvottavélin sem við fengum er GLÆNÝ gorenje vél. Haldiði að það sé lúxus hérna á Csapó? Leigukonusnillingurinn er alveg með þetta! :)

En annars er bara kominn nettur jólafílingur í mann, það verða víst fá sem engin jólakort í ár, þar sem ég er í nettu limbói hvað allt varðar, komin hálf heim í huganum, hálfur huginn við prófin og næ rétt að lenda á klakanum áður en klukkan slær 6. Vær náttúrulega best ef ég kæmist á Akranesið góða fyrir kl 6 :) Ef ekki, þá verða allavega ég og pabbalingurinn á leiðinni uppá skaga að hlusta á klukkurnar. Eins og ég segi "vottur" af spenningi (s.s. ekkert nema spenningur hérna megin!!!).

Ég hlakka ekkert smá til að hitta stelpulingana mína, setjast niður með þeim með eins og eina, tvær hvítvínsflöskur og hafa það kósí yfir hátíðarnar. Slúðra og slappa af. Svo kíkir maður aðeins í álið til að safna fyrir salti í grautinn (og nettum vísareikningum sem hafa verið að láta sjá sig síðustu misseri.. næs!!). Milli þess verður maður að renna sér með börnunum litlu sem ég ætla að knúsa í rot þegar ég kem heim!! Er ekki annars snjór heima?

2008-12-07T17:09:00.002Z

Það hlaut að koma að því að þvottavélaskrímslið tæki þreytu sína og uppsafnaða gremju gagnvart heiminum út á mér. Belli hefur tvisvar lent í því að gleyma að setja þvottavélaslönguna ofan í baðkarið þannig að hún losaði allt vatnið úr vélinni á gólfið, jújú, ekki þvottavélinni að kenna en það var nú aldeilis komið í veg fyrir þetta um daginn með því að plögga henni beint í eitthvað vatnsúttak þannig að svoleiðis gæti ekki komið fyrir aftur!! Leigukonan mæti með Maestro og lagaði þetta.

Nei, nei... um daginn set ég vélina af stað áður en ég fer í skólann.. allt í góðu... ég kem heim einhverjum 8 klst seinna og vélin búin og allt það... svo stíg ég ofan á baðmottuna blessaða, hvað haldiði? hún er rennandi blaut bara öðru megin... Ég fer eitthvað að skoða mig um og sé að snilldar miðinn hennar bergþóru sem er ofan á þvottavélinni er líka rennandi blautur (ofan á honum stendur: FOKKFEIS (Bergþóra)!! Þú veist hvert slangan á að fara og svo líka einn nettur word kall sem stendur loser fyrir ofan... allt voða kósí og næs til að koma í veg fyrir slöngu-í-bað mistök. Ég sé samt ekkert vatn og hugsa bara að hún hafi ákveðið að taka nett flipp svona í tilefni dagsins, tek úr vélinni og held áfram að lifa mínu áhyggjulausa lífi í þvottaheimum.

Svo í dag set ég vélina sem Bergþóra var búin að undirbúa af stað, bíð eftir að hún klárist svo ég geti þvegið blessaðann labcoatinn minn og handklæði. Er einmitt að fara í munnlegt lab próf á morgun sem að þýðir að maður verður að líta pínu ágætlega út. Smelli vélinni af stað og eftir ca. klukkutíma er það eitthvað sem segir mér að fara að kíkja á blessaða vélina. Jújú, ég kem inn á baðherbergi og sé þá ekki annað en að allt sé að verða vitlaust í froðuheimum og vélin byrjuð að dreifa froðu um allt baðherbergi... ég slekk á þvottavélinni eins og elding og byrja að þurrka allt á gólfinu þannig að stupid neighbour fyrir neðan fari ekki að koma hingað upp alveg brjáluð.

Svo settist ég niður fyrir framan tölvuna og fer inná google translate til þess að finna út hvernig ég ætti að geta komið þessu til skila til leigusnillingsins. Það tókst með því að ég sendi lengsta þýska sms í sögu símanotkunar og bíð núna spennt eftir svari.

Ætli hún láti ekki vita af komu sinni og sínum heitt elskaða Maestro von bráðar.

Gangi ykkur vel í þvottavélakarma lífinu og hafiði það gott!

Þvottavélinn á Csapó er mun eldri og mun verr útlítandi útgáfa af þessu tryllitæki.

2008-11-27T18:55:00.002Z

Jæja kids.
Prófatörninni lokið. Fékk mjög góða einkunn út úr sálfræði í dag, en á eftir að fá út úr eðlisfræðiprófinu mínu, en það kemur vonandi einhvern daginn, þannig að ég bíð bara spennt.

Annars er þessi dagur búinn að vera yndislegur! Var mætt upp á bókó kl 8 í morgun með Helgu og Bergþóru og var að undirbúa sálfræðiprófasnilldina. Jújú, svo lecture og svona djamm, sálfæðipróf og svo seminar - allt rosalega eðlilegir hlutir... nema hvað!! Svo kom að því! Því sem ég og Helga erum búnar að bíða eftir síðan fyrir 3 vikum síðan!! Við fórum í nýja mollið, mollið með Zöru, H&M, og fullt af fleiri fínum búðum, Stradivarius líka (enn meiri ástæða fyrir ykkur að koma í heimsókn stelpur!!) og svona næs... Heyrðu, við erum þarna á ágætisróli í búðarrápinu.. með vott af vonbrigðum samt (enda þrár vikur af væntingum, ofan á ranghugmyndir sem virðast safnast upp um allt í þessum prófalestri) þá fær Helga símtal frá Milan, hárgreiðslumanninum okkar sem vill koma og hitta hana og spyrja hana að svolitlu... jú, endar með því að hann hittir okkur í forum og við erum sest á kaffihús, frekar pirraðar yfir þessum truflunum (sem við vitum ekkert hvað eru um) heldurðu að minn maður smelli ekki bara á okkur eins og einni snyrtikynningu um vörur sem heita Forever!! Ég hef aldrei verið jafn ánægð og þegar Helga kom því áleiðis að hún væri með ofnæmi fyrir þessum vörum (sem hún er alveg með...!!) og hann sagði þá bara... ó ókei og ég sagði að ég vildi ekki kynningu og hefði ekki áhuga. Þá sagði hann: við getum þá bara spjallað.... á þessum tímapunkti var andrúmsloftið SVO vandræðalegt að það eru ekki til orð sem lýsa því!!

Sem betur fer hringdi kæróinn hennar Helgu og við náðum að bjarga okkur úr þessum vandræðalegu aðstæðum með fake emergency, en það endaði samt með því að hann vildi vera samferða okkur þannig að við gátum fake.að emergency á Csapó þannig að hann var ekki samferða okkur langt. Þar hélt ég að ég og Helga myndum kafna úr hlátri og pirringi yfir því hvað hann væri ósvífinn, heldur að hann geti bara komið og hitt okkur á meðan við erum að eyða dýrmætum tíma í að versla og vera almennt að nota þann litla tíma sem við höfum til að gera eitthvað skemmtilegt í einhverja falska snyrtivörukynningu!! Helvítis pungurinn... gleymdu því að Helga hefði sagt honum að koma í Forum ef hún hefði vitað af þessu!! Baahh....

En á csapó var boðið upp á heitt kakó og ristað brauð, þannig að þetta bjargaðist fyrir horn. Við töltum svo bara aftur upp í forum og kláruðum okkar mál þar... sem betur fer laus við snyrtivöruskrímslið!

En annars er planið að mæta upp á bókó á morgun og vera duglegur til kl ca. 5, hálf 6... gera sig svo sætan og mæta á nýjan ítalskan veitingastað til að fá sér að borða og svo verður gleði með bekknum okkar og öðrum bekk sem er alltaf með okkur í dæmatíma. Það verður mega gaman!!

Svo á sunnudaginn er fyrsti í aðventu + afmælisdagurinn minn svo að ég ætla að bjóða upp á pancakes + eitthvað heitt eftir að það verður búið að kveikja á jólaskrautssnildinni og jólatrénu sem stendur hérna 50 metrum frá húsinu mínu, það verður líka örugglega opnaður jólamarkaðurinn sem er meðfram allri trammagötunni í miðbænum, voðalega sætir litlir kofar um allt sem selja jóladót, jólaglögg, nýbakað og svona jólalegt... æjh! Sunnudagurinn verður helgaður kósíheitum + almennu afmælisdúlleríi!

Vona að þið hafið það sem allra best um helgina!!
Kv. Sálfræðingurinn!!

2008-11-24T08:44:00.002Z

Ræræræ! Það styttist í valhoppið og sönginn. Kláraði Biophysics prófið áðan, vil meina að það hafi gengið nokkuð vel bara, en við sjáum til bara með þetta.

Annars er lítið að segja nema sögur af lærilífinu. Og þar sem T byggingin er búin að vera mitt heima um helgina og bókasafnið heima í síðustu viku, þá vil ég koma með nokkur afrek sem hafa náðst þarna.

ég hef masterað þrjár aðferðir við að halda á penna á meðan þú skrifar. Ég útskýri frekar með myndum og þetta er s.s. stigmagnandi ferli.

Hér má sjá dæmigerða tækni í að halda á blýanti þegar þú byrjar lærdóm. Þú heldur á honum á milli þumals og vísi en lætur hann hvíla á löngutöng.

Hérna má svo sjá þegar þú ert orðin þreytt í vísifingri og smellir því löngutöng með inn í dæmið og heldur sitt hvoru megin við pennan með löngutöng og þumalnum og vísifingur hvílir ofan á.

Hérna er svo þegar þú getur ekki lengur skrifað útaf verki í þumalputtanum. Þrýstingurinn ofan á þumalputtann leiðir alveg upp í úlnlið og það einfalda verk að skrifa verður óbærilegt. Þá kemur þetta töfrabragð við að halda á pennanum þar sem þumalputtinn styður við pennann með proximal phalanx (svo ég slái nú um mig í latínuhæfileikum! ;))

Þetta er svona umþaðbil það sem að hélt mér frá því að gefast upp á lærdóminum, því að það var lítil tilbreyting allann daginn nema þegar ég skipti um hald á pennanum. Reyndar þá var ég það "heppin" í gærkvöldi um svona hálf 8 að það kom strákur frá Nígeríu og settist á móti mér við borðið mitt (sem er btw eiginlega bara fyrir tvö manns) og allt í gúddí, hann þegir, ég er bara með eyrnatappa, minding my own með fjall af glósum og glósum úr glósum og svona hluti sem fylgja biophysics lærdómi. Nei, nei, kemur þá ekki vinkona hans, einmitt líka frá Nígeríu og spyr hvort hún megi hlamma sér... ég segi náttúrulega já en inni í mér brestur allt, því að þessi tæplegi fermeter sem borðið er náði varla að hýsa allt mitt drasl og draslið hjá gaurnum þannig að ég byrjaði að ferja glósudraslið mitt á gólfið og allt í góðu. Byrja þau svo ekki bara að RAULA og TALA!!! nánast upp í eyrað á mér því að við sitjum jú öll við sama borð!! Eyrnatapparnir samt plöggaðir rækilega inn í eyrað á mér, en vegna þess að fjarlægðin á milli okkar þriggja er minni en á milli nucleona (biophysics brandari... sorrí.. svona er líf mitt bara orðið) þá hefðu þau allt eins getað öskrað þetta.

Á þessum tímapunkti var ég búin að sitja í tæplega 12 tíma með einni pásu, að verða geðveik á minimölunum og almennum biophysicslærdómi, illt í þumalputtanum og almennt að gefast upp á þessu lífi!! Ca. klukkutíma síðar (s.s. klukkutími af nígerísku rauli og tali ofan á stress heimsins út af þessu prófi) endaði með því að ég yfirgaf borðið, því ég þorði ekki að segja neitt við fólkið og yfir gaf mitt borð, sem e´g var búin að eigna mér eftir 13 klukkutíma setu!!!

En ég er á lífi í dag, fann mér bara nýtt borð og hélt áfram mínu skriði.

Vá, viðburðarríkt líf í Debrecen. Legg til að þið segið mér frekar sögur af VENJULEGU lífi heldur en að ég bloggi....

2008-11-16T19:50:00.003Z

Alvaran er byrjuð, próf á morgun, mánudaginn eftir það og svo lokapróf á fimmtudeginum 27. nóvember. En hin tvö eru samt bara hlutapróf, sem skipta engu máli, þannig lagað, en alltaf gaman að fá góða einkunn samt...

Ég hef orðið fyrir vonbrigðum með T bygginguna..! Ég er búin að vera þar, alla helgina - mæti uppúr 7 á morgnanna og í gær, t.d. þá fór ég ekki heim fyrr en 11 um kvöldið og ég sá ekkert fólk vera að missa vitið. Ég vil meina að Bergþóra hafi þessi áhrif á fólk og þess vegna hafi greyjið stelpan úr síðustu færslu farið á taugum og labbað eins og mörgæs. Bergþóra var nefnilega ekki uppi í T um helgina, sjáiði til. Það gerðist ekkert merkilegt í dag heldur... en kannski eftir að ég fór heim um 5.

Jább, lærilífið er yndislegt. Annars er ég bara komin með megaplan næstu 11 dagana. Chemistry próf á morgun, læra biophys allar mínútur fram að prófinu á hinn mánudaginn, læra undir lokapróf í sálfræði og svoooo SEINNIPARTINN á 27. nóvember, þegar það styttist í afmælið mitt btw. þá ætla ég að heiðra nýja mollið með nærveru minni!!! Við erum að tala um það að það er nýtt moll með 2 hæða H&M, Zöru og bara fullt fullt af öðrum búðum hérna ofar í götunni, við erum að tala um 2 mínútna göngu kannski, MAX. Þar mun ég valhoppa um eins og spói í grasi og syngja gleðisöngva úr Sound of Music. Ræræræææ! En annars eru bara 38 DAGAR Í JÓLIN og heimkomu mína. Þessir 38 dagar verða á nýju leveli í mínu lífi, þar sem lærdómur verður að næringu, svefni og skemmtun. Eeeen maður má ekki missa sig í djamminu, 27. nóvember og 30. nóvember verða lærdómslausir dagar... 30 nóvember verður helgaður unaði, skemmtun, góðum mat og almennum næsheitum í tilefni af því að ég á stórafmæli.

Nokkurn veginn svona verð ég þegar dagurinn kemur að ég geti komist í mollið. Bara til að skoða að sjálfsögðu, það er náttúrulega kreppa. :)

Ha'de bra!!

2008-11-08T11:13:00.002Z

Það varð nú eitthvað lítið úr byltingar áætlunum mínum. Massa þetta bara næst. Náði samt að hækka mig upp um 0.2 á prófinu og er því ennþá á góðu róli hvað varðar að fá undanþágu frá minimölum á lokaprófinu. Náði að mjólka 1 stig á prófinu fyrir ekkert, bara til þess að vera on the save side hvað varðar blessuðu minimalana!! Frekjan kemur manni langt í þessu lífi.

En sem stendur á ég að vera að læra eins og enginn sé morgundagurinn fyrir blessaðann aukatímann hjá Ali. Einbeitingin er ekki sú besta sem stendur. Væri alveg til í að komast og fá mér smá göngutúr til þess að fá frískt loft og anda að mér læriandanum, sem ætti að svífa yfir þessum blessaða háskólabæ. Annars kom leigukonan í gær og tók auðvitað elskhuga sinn með sér, Maestro. Maestro fixaði þvottavélavatnsslysagildruna og ætli gamla kellinginn niðri (leigukonan kallar hana neighbour stupid stupid með ungverskum hreim, afar gott andrúmsloft á milli þeirra) hafi ekki stigið gleðidans. Hún þarf ekki lengur að óttast Bergþóru og afrek hennar með þvottavélina blessaða. ;)

Annars er plan kvöldsins bara að fara út og fá gott að borða og hafa það unaðslega kósí í tilefni af þvi að næstu helgar gefa hvorki tíma né rúm til þess - próf á mánudaginn í næstu viku og vikuna á eftir því og svo munum við láta lífið úr lærdómi fyrir lokaprófin góðu. Snilldin sem verður þá. Ef að ég dey ekki af oflestri, þá á ég eftir að fara yfirum eins og stelpan uppi í T byggingu í gær sem Bergþóra sá. Sú var alveg galin, byrjaði á því að hnerra og fylgja því eftir með smá öskri, svo hnerraði hún aftur og byrjaði bara að grenja geðveikt! Svo labbaði hún víst um eins og mörgæs í móðursýkiskastinu sínu. Úff, stelpu greyjið.

Ætli greyji stelpunni hafi ekki liðið svipað og þessum.

Annars fékk ég tvær meeeega hringingar í gær. Orð fá því ekki líst hversu góðar vinkonur ég á. Í svefnmóki mínu svaraði ég í símann og fékk að heyra í Snæ, Láru og Elínu. Það var svooo awesome og ég hlakka svo til að komast heim og smella eins og einum sleik á hverja þeirra. Nema kannski Snæ, Elínu og Steik, því þær eiga kæró. Byrjiði að æfa sleikinn stelpur, um að gera að nýta tækifærið á Palla í kvöld á Nasa!! Ég verð með ykkur í hjartanu.

2008-11-01T20:56:00.002Z

Dagur dauðans í dag, og það bókstaflega. Reyndar er þetta búið að vera ágætur dagur miðað við að honum hefur öllum verið eytt í lærdóm. Júbb, Ragnheiður er búin að taka fram sparitakta og er byrjuð að læra. Sjúbbídúei... vonandi verður einhver árangur af því á næstunni. Biophysics er búið að vera mitt læridjamm og yndi síðustu daga og ég sé það ekki taka enda, við erum náttúrulega með svipuna á bakinu hjá honum Ali í aukatímum og það er ekki hægt að upplifa þessi vonbrigði í augunum á honum í hvert skipti sem ég mæti í tíma hjá honum, alltaf jafn mikið með svörin á hreinu og standa mig vel á prófunum hjá honum. Þannig að núna er kominn tími á breytingar, enda eru hvað, 3 vikur í próf og ég með fyrirlestur í næstu viku og svo er ég víst í medical chemistry líka... kannski um að gera að fara að kíkja eitthvað á þessa 400 strúktúra sem við þurfum að kunna fyrir þann hluta lokaprófsins. Svo ég tali nú ekki um almenna efnafræði skituna sem þarf líka að lærast fyrir 23. des.

Djamm djamm djamm... þetta er líf mitt þessa dagana. Sofa, borða, læra og skóli. Reyndar var lyft sér upp í gærkvöldi örlítið. Svo fór ég náttúrulega í þessa yndislegu og nauðsynlegu klippingu í gær. Burtséð frá því að tímanum í klippingunni var eytt í að læra minimala fyrir biophys tímann hjá Ali... það er ekki mínútupása þessa dagana. ;) Heyrðu, svo var afmæli í gærkvöldi og Halloween. Ég kom í þessum rosalega heimatilbúna búningi... var kisa, það var mega.

Fann líka þetta fína nafn á mig, mjási... Föndraði sjálf eyrun og allt hvað eina... maður er svo listrænn. Tek niður pantanir í lok desember.... Svo var bara trítlað heim fyrir kl 12... og af því að ég og Belli lifum á brúninni þá datt okkur nú í hug að það gæti veirð sniðugt að kíkja örskamma stund niður á Silence í aðal Halloween partýið ... við vorum nanósekúndu þarna inni og komum heim fljótt og gátum lagst uppí og sofið værum svefni. En við létum þó allavega sjá okkur.

Samviskan mín vakti mig svo í morgun (Bergþóra) þegar hún fór að gera sig líklega í lærdóm kl 8, þannig að ég reif mig á fætur og hef ekki litið uppúr bók síðan þá, fyrir utan til þess að fara í trammanum og á fáknum með Helgu í aukatíma hjá Ali, alltaf jafn miklar gloríur gerðar í þeim tíma. Þakka Bergþóru fyrir lærdómsinnblásturinn og almenn góðmennskuheit í lífinu. Við eigum vel saman.

Annars fékk ég út úr biostat prófinu mínu, nokkuð sátt, en mjög ósátt með skólann.... útaf því ða prófið var of langt þá áttum við að fá einkunnina leiðrétta, en nei, svo reiknuðu þeir út að það voru jafn há prósenta sem fengu undanþágu og í fyrra þannig að þeir ætla ekki að endurskora prófið, eru samt búnir að viðurkenna að það prófið hafi verið ósanngjarnt... svo fengu ungversku krakkarnir lagað skorið á prófinu, ... samt sagði head of biophys department að það væri sama prófið!!! SVO GLAAAATAÐ AÐ ÉG NÆ EKKI UPP Í ÞAÐ... ég mun fara fyrir kröfugöngu, undirskriftarlistum og almennum dólgslátum á mánudaginn kemur!!! Látið ykkur ekki bregða þó svo að það kæmi í blöðunum að ung íslensk stúlka hafi verið handtekin fyrir róttæk mótmæli við háskólann í debrecen.

Á þessum byltingarnótum ætla ég að fara að koma mér í rúmið... leiðinlegustu lærdómsfærslu í heimi er hér með lokið.

2008-10-26T17:44:00.005Z

Hérna koma nokkrar vel valdar myndir frá síðustu vikum :)

Ég og Helga mín

Ég og Gylfi seinna það kvöld, en það endar yfirleitt að ég fer með þeim heim eftir djammið og oftar en ekki er boðið uppá pancakes eða aðrar guðdómlegar veitingar.

Það var matarboð á heima hjá Helgu og Gylfa, þar voru ég og Gylfi allt í öllu.

Gylfi skenkti víni, ég sá um eldamennskuna!

Hrakfallabálkur nr. 1 - Anna María. En hún er ágæt þrátt fyrir það :)

Mér þykir ekki lítið vænt um þessi. Nýbúin í Medical Chemistry prófi og á leiðinni í pizzu og gleði. Mánudagsdjömmin klikka seint.

Þessi mynd er síðan núna á miðvikudaginn, en þá var afmæli hjá Njalla og enginn skóli daginn eftir, þannig að viti menn, við mætt á djammið.

Sést hér hver er virkilega með módeltaktana í sér, Gylfi sleppir ekki pósinu ef hann mögulega getur komist hjá því.

Hérna var Gylfi búin að halda klukkutíma langan fyrirlestur um hvernig bera skal sig á myndum, og sjáiði afraksturinn, 3 drullumyndarleg - framtíð Íslands.

Ég og ástmaður minn í þessu lífi - Anna María. Ég kenndi fólkinu hvernig á að bera sig að sem Japanskur túristi og ég vil meina að þetta hafi nú bara tekist glymrandi vel.

Jú, þetta varð að byltingu. En alltaf þurfa einhverjir svartir sauðir að vera innan um og Hera er náttúrulega bara rebel í hjarta sínu, þannig að ég fyrirgef henni í þetta skiptið. En Gunna Dóra fittar strax inn með hinum Japönunum.

Ein mega fín af mér og ástmanninum. Orð eru óþörf - fegurðin er yfirþyrmandi.

2008-10-25T20:47:00.002Z

Ég vil byrja á því að lýsa óánægju minni með H&M í Budapest. Úrvalið var ekkert til þess að hrópa húrra fyrir og ég endaði með 2 sokkabuxur á mig. Rosalegt alveg hreint. Ég náði samt að kaupa 4 jólagjafir og það allt fyrir litlu börnin mín, Magnús Orra, Heiði Ósk og Margréti Elvu og Bergþóru systur. En það var ágætt samt sem áður. :) Já, við lögðum af stað til Búdapest kl 7 í gærmorgun, eins ókristilegur tími og það er nú, en við erum orðin vön eftir að þurfa að mæta í próf kl korter yfir 7 á morgnanna, svo við hörkuðum þetta af okkur, enda kemst H&M djöfuldóm nálægt því að uppgvöta tilgang lífsins.

Við fengum okkur svo að borða á mexikóskum stað og þar fengu allir sér svínarif nema ég. Ég fékk mér burrito, enda forfallinn áhugamaður um góðan mexíkóskan mat og ætlaði nú ekki að eyða peningum mínum í feik svínarif .. það gefur augaleið að svínarif eru ekki eitthvað geggjuð á mexíkóskum veitingastað. Þannig að ég labbaði södd og sátt út af staðnum, en hin voru ekki alveg jafn sátt. Allavega, svo tók ég geðklofa dauðans þegar kom að því að ákveða mig hvort ég ætlaði að gista eða ekki - svo endaði með því að ég fór heim aftur um kvöldið. Pínu samviskubit eftir það, en ég meina... ég lifi. Ég kom heim um 9 leytið, lagðist uppí rúm og sofnaði værum svefni.

Annars er dagurinn bara búinn að fara í lærdóm. Það er próf í Medical English á þriðjudaginn og svo þarf maður aðeins að fara að ná upp öllu sem maður hefur verið að trassa síðustu vikurnar. Fyrir utan þetta próf á þriðjudag eru næstu 2 vikurnar ágætlega rólegar þannig að það er um að gera að vinna sig upp og nýta tímann vel.

Annars óska ég fólki bara matar á borð og nóg á sig og sína...!
Verum góð hvert við annað, þá gengur allt svo miklu betur...

2008-10-12T11:44:00.002Z

Ennþá kreppa segiði? En ég tala ekki um kreppu... það eina sem ég hugsa þegar ég heyri orðið kreppa er beygja kreppa sundur saman eins og Helgi sund kenndi okkur hérna um árin. Ef maður kreppti ekki þá sló hann í tásurnar á manni. Þannig að maður þorði ekki annað en að kreppa. Alltaf kreppa? Góðir tímar.

Annars á ég núna að vera að læra undir Medical Chemistry próf. Gengur hægt ákkúrat núna. Ég vil meina að það sem ég gerði í gær lýsi mér í hnotskurn. Þetta djamm síðustu vikur hefur verið að blekkja ykkur... í gær, þá var partý og rosa gaman, en hvar var ég? Ég var á Csapó utca 4 að læra til kl hálf 1 - svo var lagst upp í rúm, sofnað værum svefni og vaknað um hálf 9 til þess að byrja aftur að læra. Já, lífið er spennandi þessa dagana.

En annað sem er skandall er það að ég á að mæta í próf kl korter yfir 7 á mánudags morgun. Það er nokkuð hressandi! Prófið byrjar svo kl hálf 8. Mér finnst þetta svolítið merkilegt, en það er gaman að þessu. Svo á mánudaginn í vikunni á eftir það er blessað lokaprófið í Biostatistics, þannig að næsta vika verður áframhaldandi lærdómur... En samt, núna á mánudag verður lyft sér örlítið upp í tilefni þess að vera búin með hlutaprófið í medical chemistry. Pizza og veigar hjá Önnu Maríu með góðum hópi af fólki.

En þetta er komið gott, eins gott að fara að einbeita sér aftur að lærdómnum!
Þakkir fyrir góð komment!

2008-10-08T16:45:00.003Z

Ég hef tekið meðvitaða ákvörðun um að tala ekki um "kreppuna" því verður hún ekki nefnd á nafn hér eftir.

Hérna gengur lífið bara sinn vanagang. Skóli, tilraun til lærdóms (þetta er allt að koma) og svona óvenjulegir atburðir eins og allt á floti 2008 eru daglegt brauð, en það má lesa á heimasíðunni hennar bergþóru! mæli með þeirri lesningu, var aðeins of fyndið, þar sem fægiskófla, panik og nálægt því þvaglos kom við sögu. Vil samt ekki lenda í þessu aftur, þar sem löggan var komin í spilið á ákveðnum tímapunkti.. en hún kom þó aldrei til okkar, en leigjandinn fékk símtal. Leigukonan og ég náum saman í annarri vídd, þar sem samskipti okkar eru ekki af þessum heimi sem við þekkjum - hún babblar ungverskuþýsku og ég kinka kolli þegar ég skil eitthvað, annars eru látbrögð og tilraunir til útskýringa í hávegum hafðar. En ég gefst ekki upp og með þessu áframhaldi náum við að eiga eðlileg samskipti á ungversku innan skamms.

Ég fór í próf í bókasafnsvísindum í gærmorgun. Vil meina að ég, The Google Meister hafi farið auðveldlega með notkun á leitarvélum í gagnagrunnum eins og PubMed, MedlinePlus og hún Helga Lind getur vottað fyrir hæfni mína með google, þannig að ég er ágætlega bjartsýn á útkomuna úr því prófi, án þess að vera að storka örlögunum með yfirlýsingum. Svo fór ég í tennis líka í gær, bíð spennt eftir að fá álagsmeiðsli úr tennisnum, þvílíkt er ég að brillera. Tennisolnbogi mun verða minn besti vinur áður en ég veit af! Gylfi Jón er náttúrulega með meiri þolinmæði en móðir Teresa heitin, eitthvað sem ég þarf að fara að vinna í. En þetta kemur allt með kalda vatninu. (ég bíð s.s. þolinmóð eftir að ég hætti að vera óþolinmóð...!)

En við erum að brillera í eldamennskunni hérna úti, mamma og jafnvel pabbi væru ekkert smá stolt af mér, en Friðrik er sá maður sem hefur hvað mest pirrað sig á þeirri staðreynd að ég er ekki myndarleg í eldhúsinu. En t.d. í gær gerði ég heimabakaða viðbrennda pizzu, rosalega góð og svo í dag gerði ég burritos. Föndraði fyllinguna í pönnukökurnar sjálf, steikti hakkið og setti taccosósu + niðurbrytjaða tómata í dós + krydd + meira krydd, því ég varð að bjarga þeirri staðreynd að match selur ekki tortilla krydd. Þannig að þetta var from scratch. Helga og Gylfi komu svo í mat og þau og Bergþóra eru ennþá á lífi og fannst þetta gott, þannig að ég er öll að koma til í eldhúsinu. Maður bjargar sér svona á þessum síðustu og verstu tímum þegar maður leyfir sér ekki að fara út að borða á hverju kvöldi... hmm!

Annars eru sögur að heiman af vinkonum mínum að brillera í því sem þær eru að taka sér fyrir hendur, áður en ég veit af verð ég með 4 sálfræðinga í innsta hring og það er ekkert nema gott að vita af því þegar ég fer yfirum af lærdómi. Ekki það að ég sé í nokkurri hættu þessa dagana... ehemm.

En þetta er komið ágætt í bili. Ég vil kvitt og komment fyrir innlit.

2008-10-01T15:01:00.003Z

Mér finnst svo geggjað að ég geti kannski komið heim um jólin. Ef guð og kallarnir í skólanum lofa, þá get ég tekið prófin mín 2 þann 22. og 23. des og gæti því flogið heim 24. des og lent á le kleik kl 16. Tveir tímar í jólin og þá veður bara spænt heim á Akranesið til þess að ná heim áður en að klukkan slær 18. Þetta væri geggjað ef þetta væri hægt :) Við erum hérna nokkrir krakkarnir sem stefnum á þetta, þannig að það er vonandi að þetta gangi eftir :) Gott að hafa hópefli í svona löguðu.

Annars gengur lífið hér bara sinn vanagang, reyndar var busunin um helgina. Hún fór þannig fram að þeir nýnemar sem mættu var skipt í 6 hópa og svo átti hver hópur að fara á 6 stöðvar og leysa verkefni. Það endaði þannig að minn hópur náði aðeins á stöð 4 af 6 vegna ofurölvunar. Kl 10 um kvöldið var búið að fara með 2 úr mínum hóp heim nær dauða en lífi vegna áfengisdrykkju og þar vann ég slæma karmað mitt til baka fyrir að hafa ælt þarna fyrir ekki svo löngu fram af svölunum. Ég nánast bar stelpuskjátu heim á herðum mér og náði að losa hana við áfengið úr líkamanum og fékk vott af þeirri skilun á hendurnar á mér. En hún sofnaði værum blundi, búin að losa sig við óheyrilegt magn af ælu þannig að ég gat skilið hana eftir í umsjón vinkonu hennar. Við vorum 4 allt í allt sem þurftum að aðstoða, en ég meina, svona gerist stundum og þá þýðir ekkert annað en að loka fyrir nebbann og láta sig hafa það að fá ælu yfir sig ;) En kvöldið h´ja mér var ekki nærri því búið þá, ég hélt áfram gleðinni með restinni af nýnemunum á einum klúbbi sem leikurinn endaði á. Þar stóð ég uppi sem survivorinn úr mínum hóp, ég fór s.s. síðust heim af öllum og var lögst upp í rúm kl hálf 5 eftir át með Helgu og Gylfa á Route 66. Ég vil meina að ég sé búin að draga lærdóm af fyrri afrekum ;) Haha!

En núna er ég bara að bíða eftir nýja skrifborðinu mínu sem á að koma innan skamms. Ég vil meina að þá hefjist nýr kafli í lífi mínu og að ég fari og taki almennilega á lærdómnum. :) oooog núna rétt í þessu kom það, þvílíkur munur... En núna ætla ég að fara að græja mig til að fara í mat hjá Helgu og Gylfa. Þau ætla að veita mér fóstur á meðan Bergþóra skreppur heim á Skaga. :)

Bestu kveðjur heim,
hendi inn myndum við tækifæri ;)

2008-09-26T22:21:00.002Z

Jæja, nú er 3. vikan í skólanum búin og það fer að styttast í alvöruna, sem eru próf. Ekkert meira að segja um það en bara ... tralalalalei.. (ég er í afneitun)

Annars er nú ýmislegt búið að brasa síðan síðast, jújú... ég er komin með awesome á heilann, hversu vandræðalegt er það? En ég lifi þrátt fyrir það... ég fór að hafa gaman af biophysics, það er ákveðið afrek útaf fyrir sig en við sjáum til hvað það stendur lengi. Svo fór ég í tennis í gær með Gylfa, Nínu, Önnu Maríu og Kára og Gylfi hefur btw keppt á evrópumeistarmóti unglinga í tennis og við hin öll eins og beljur á svelli í tennis. Ég lifði í þeirri blekkingu að sú þekking sem ég aflaði mér í badmintoninu myndi skila mér einhverju umfram hina sem höfðu ekki snert tennisspaðan áður, en nei... skeit á mig, vægast sagt. En maður lærir svo lengi sem maður lifir.

Annars hef ég nú lítið annað merkilegt gert. Prófaði world of warcraft (sem er tölvuleikur) ... jébb, i went down to the bottom, neeei ég segi svona. En ég er að sýna umburðarlyndi og kynnast nýjum hlutum hérna og læra af fólkinu í kringum mig... dipló, dipló, dipló.. dipló í dípó!

Á morgun er samt svona busun hérna í skólanum. Þar verða allir nýnemarnir teknir og látnir drekka í 6 tíma og svo skildir eftir í reiðileysi sínu .... get ekki beðið!... skynjaði einhver kaldhæðni. Miðað við afrek mín í drykkju hérna úti þá þori ég varla að mæta, en þar sem Anna María myndi drepa mig áður en ég gæti sleppt þessu þá ætla ég að testa þetta og láta reyna á sjálfsagann.

Eeen aukatími kl 10 í fyrramálið í biophysics þannig að ég er skriðin uppí...

2008-09-21T14:05:00.002Z

496-1110 - ath fyrra númerið var vitlaust... úbb úbb búbb, en þetta er s.s rétt númer 4961110

Smartsíminn kominn í gagnið og ekkert stress..
Ég bíst við hringingum í tonnatali!

Annars veit ég ekki hvort ég nái í símann ef þið hringið, var að koma af fótboltaæfingu og er að deyja úr strengjum. Formið er í fokki... Hef náttúrulega varla komið við fótbolta síðan sumarið '96 þegar ég æfði fótbolta í 3 vikur 8 ára gömul.
Þetta er skandall!

2008-09-20T08:21:00.002Z

Ágætt að láta færsluna mína um rosalegu afrekin hverfa sem fyrst bara. Já,já!

En við erum s.s. loksins komnar með netið heim til okkar, eftir að hafa beðið í 2 vikur og smart síminn er kominn í gang, en ég veit ekki hvað símanúmerið er hjá okkur. Pósta því inn hérna strax við tækifæri og ég býst við að þegar það gerist þá rúlli símtölin hingað inn eins og heitar lummur. Talandi um heitar lummur þá fékk ég þessar dýrindis pönnukökur í nótt eftir smá gleðskap. Haldiði ekki bara að hún Helga hafi skellt í pancakes með maple syrup kl hálf 5 í morgun og ég hún og Gylfi átum þetta með bestu lyst.

Svo svaf ég heima hjá þeim og er núna komin heim til mín eftir 3 tíma svefn og er að spá í að byrja lærdóm. Ástandið er mun betra en fyrir viku s.s. Enda var líka ótrúlega gaman í gær, annað en fyrir viku! ;) Maður lifir svo lengi sem maður lærir :).

Eeeeennn.. þeir sem vilja fá hringingu skilja eftir heimasímann sinn í kommentum og málið fer í ferli, veit ekki hvort ég muni heimasímann hjá öllum ;)

2008-09-16T14:32:00.002Z

Já, góðan og blessaðan daginn...

Nú sit ég ennþá bókasafninu og er að reyna að nýta tímann og læra eitthvað, maður er ekki lengi að hellast aftur í lestinni svona fyrst um sinn... bara vika búin og ég viku á eftir... tralalaleii, nei,nei, ég er nú að verða búin að vinna þetta upp. :)

Síðan síðast eru búin að vera afrek. Á föstudaginn var nýnemapartý þar sem mér tókst að skrá mig á spjöld sögunar sem ölvaðasta manneskjan á svæðinu; árangurinn var glæsilegur: æla fram af svölum, láta skutla mér heim, æla í fötu heima, drepast og vakna kl 7 um morguninn (eftir 7klst "svefn" - já, ég er týpan sem dó á miðnætti) og vera á mesta bömmer í heimi eftir átök og afrek kvöldsins. Klukkan 7 um morguninn þurfti ég að þrífa fötuna blessaða og skrifa þakkar sms fyrir að hafa aðstoðað mig við að komast heil heim án þess að verða mér meir til skammar. Það er gott að eiga góða að ;) Svo restina af deginum var eytt í svefn og almennan hressleika fram að kvöldmat en þá var slafrað í sig dýrindis heimabakaðri pizzu heima hjá Helgu og Gylfa. Svo var bara farið aftur á djammið.... neeeei djóóóók. :) ætla aldrei að drekka aftur - meira djók.. :)

Sunnudeginum var eytt í lærdóm og um kvöldið kom Gylfi í vídjó og ég, hann og Belli horfðum á meistaraverkið American Pie og ég og B átum nánast ársmagn af nammi hjá venjulegum einstaklingi. En á mánudaginn var vaknað kl 8 lært uppi í skóla á mínu öðru heimili, bókasafninu, fram að fyrirlestri kl 12 og svo haldið áfram eftir fyrir lestur fram að blóðprufu (þeir þurfa sönnun að ég sé ekki með berkla eða aids).. svo er ég hérna á þriðjudegi að læra og bíða eftir efnafræði dæmatíma en hann er búinn hálf 8 og þá heldur djammið áfram heima með nokkrum minimölum og svo bara vídjó og svefn..

Lífið í depó er að deyja það er svo viðburðarríkt.. en ég er búin að taka út djammvandræðalegafrek fyrir næstu 6 árin, þannig að þið megið ekkert búast við svona skrifum aftur í bráð :)

Blelli, fyllibyttan...

2008-09-10T08:04:00.004Z

Djammið lifir ennþá í Debrecen.

Ég fékk út úr ungverskuáfanganum og það gekk bara rosavel. Fékk hæstu einkunn, en hún er 5. Einkunnaskalinn þeirra er öðruvísi en heima - en 5 er hæsta einkunn hjá þeim, þannig að ég er rosalega ánægð og sátt. :) Ég er núna á þriðja degi í skólanum og líkar bara ágætlega námslega lífið sem official læknanemi.

En loksins núna koma nokkrar myndir af íbúðinni og lífinu í depó!

Skólayndið... eða bara aðalbyggingin, fer ekkert í tíma þarna

Góðvinur minn á djamminu - MOJITO. Hér er besti mojito sem ég hef fengið. Mæli með Belgian í miðbæ Debrecen - fáiðykkur mojito.

Bergþóra og undur ljósmyndatækninnar, bláa ruslafatan.

Belli og hin áfenga ástin í lífinu mínu, Soproni. - Besti bjór í heimi.

Ég, Helga og Gylfi fórum í dýragarðinn hérna. Ætla ekki að segja meira en bara; greyjið dýrin....

Green tea-lassi, kanil mjólkur te og peach-lassi á einu djamm kvöldi í Depó... Ég og Bergþóra kíktum á Carpe Diem sem er kaffihús hérna, hingað kem ég til með að fara með gesti :)

Belli og her little pony fyrir utan Jysk.

Le djamm... Gylfi, Andes, Bergþóra og Njalli.

Retro kitchenið okkar... Appelsínugul innrétting og svo gat í gegnum vegginn yfir í "borðstofuna"... Mega retró og næs :)

Oooog hérna er svo stofan okkar. Mega fínt allt saman og við erum í skýjunum með íbúðina núna eftir blóð svita og tár við að gera hana í lagi...

En núna er komið að því að celebreita afmælisdeginum hennar Helgu Rutar, en hún er 21 árs í dag. Við ætlum að skunda á Palma og fá okkur eitthvað gourmet í tilefni af því. :)

2008-09-05T09:20:00.002Z

Jæja, ungverskunámskeiðið búið en ég fæ ekki einkunn fyrr en á mánudag.
Við fluttum ekkert í gær, það var eitthvað vesen að losna við gömlu húsgögnin þannig að við förum og flytjum á eftir. Ég er einmitt núna á Palma að fá mér í gogginn og svo kl 3 verður nudd og næsheit bara :) og fáum afhent kl hálf 5.

Annars er voðalega lítið að frétta hérna síðan síðast. Á miðvikudaginn fórum við nokkur út að borða, ég, Bergþóra, Amín, Rut, Halldóra og Andes og fengum okkur pizzu og bjór og fórum svo á Belgian sem er bar rétt hjá íbúðinni okkar niðri í bæ. Þar var sötrað yndislegan mojito og fengið sér palinka skot sem er eitthvað ekta ungverskt eplaskot... Svo skottaðist ég bara snemma heim útaf blessaða ungverskutímanum á fimmtudagsmorgun. Bara djamm í dípó.

En ég fór í dýragarð hérna um daginn...það var spes.. Ég vorkenndi bara mörgum dýrunum... En gíraffarnir og aparnir voru sætir og svo hló maður bara með Laughing Doves... Gebba næs bara :)

En planið um helgina er að flytja og koma sér fyrir og fá sér einn eða tvo bjórsopa og kíkja á lífið...

Bestu kveðjur heim! :)

2008-09-01T18:53:00.002Z

Aðeins hérna til hægri á þessari mynd, í hliðargötu út frá torginu sem þessi kirkja stendur á þar kem ég til með að búa næsta árið.

Ég er sem sagt tæpa mínútu að labba að kirkjunni, hálfa mínútu í trammann og ca. 15 mínútur með honum upp í skólann og 3 mínútur heim af djamminu - labbandi. Við erum alveg í miðbænum, gosbrunnurinn er eiginlega við hliðina á kommúnistablokkinni sem við búum í. Gæti ekki verið meira ánægð með lífið :)

Skrifuðum undir áðan og fáum afhent á fimmtudag.

Djammið lifir í 101 Debrecen.

2008-08-31T17:59:00.002Z

Ég heimta nú fleiri komment ef ég á að vera dugleg við þetta...

En síðan fyrir viku þá hef ég setið þetta blessaða ungverskunámskeið. Er einmitt að fara í próf á morgun og er klárlega að meika lífið í þessu blessaða tungumáli, setningar eins og "nem magyarul beszelek"verða títt notaðar vegna vankunnáttu minnar. En ég er s.s. með svíum, norðmönnum, einum frakka og einum Saudi-Araba. En það fyndna er að þetta gætu allt verið pakistanar, eða sko bara svíarnir og norðmennirnir... enginn af þeim er svona hinn týpíski skandinavíski nemandi... En þetta er hnattvæðingin og ekkert slæmt út á það að setja nema hvað norsku stelpurnar eru miklar kennarasleikjur, ... það kæmi mér ekki á óvart þó svo að þær myndu baka köku og láta kennarann hafa - bara svona til að toppa sleikjuháttinn. Sænsku strákarnir eru með kennarann í vasanum, en hún er kona á miðjum aldri og þeir kunna alveg að playa hana.

En við erum búin að vera of dugleg við að fara út að borða og í dag fór ég út að hlaupa af því tilefni... var alveg komin með samviskubit yfir öllum gourmet matnum sem ég hef verið að borða síðan ég kom. En ég er búin að uppgvöta sushi.... allamalla hvað ég borðaði yfir mig af sushi á stað sem heitir Wasabi. Þetta var svona eins og Austu Indíafélagið heima - þar sem að það fer svona á renning framhjá manni og maður þarf að taka af borðinu réttina sem maður vill borða, maður var rosalega duglegur að smakka og mér fannst þetta ekkert smá gott. Var alveg búin að gefa það út að ég borðaði sko ekki sushi. Ég þurfti nú að éta það ofan í mig. Bókstaflega. En þangað verður allavega pottþétt farið við hátíðleg tækifæri ... en þetta er svona með því dýrara sem maður borðar hér í debó... En samt ódýrt, ekki nema 2500 íslenskar og maður getur borðað endalaust.

En á miðvikudaginn fórum við út að borða á einn kjötveitingastað... svona steikhús. En þar var boðið upp á straujað kjöt meðal annars.... það er annar staður sem ég fer með fólk á þegar það kemur í heimsókn. :) Svo fórum við á svona alvöru ungverskan bar og sátum þar og fengum okkur öl. Þar kom mjög gamall maður, svona að nálgast afa í aldri og spurði: "islandi" og við bara "igen" (klárlega með ungverskuna á hreinu) og þá fór hann bara að hrópa: "geysir, geysir geysir... VIKING VIKING VIKING" ... og við dóum úr hlátri :) Svo fór hann að pota í brjóst og svona óviðeigandi hluti þannig að við sögðum honum að fara bara. Við létum okkur hverfa fljótt eftir það.

En á þriðjudeginum eldaði ég pasta fyrir mig, Njalla (hann bjó í húsinu sem ég er núna í með Bergþóru í fyrra), Bergþóru, Írisi, Helgu (hún er ný hér og er líka að byrja á fyrsta ári) og Gylfa (líka á fyrsta ári) en hann átti afmæli þennan dag og varð tvítugur :) En pastað klikkaði eitthvað... nýtt hráefni og svona... :$ mamma og fleiri geta vottað að þetta er mjög gott pasta... :)

En núna á föstudaginn þá var gleði aftur... þá var svona opinberlega verið að halda uppá afmælið hans gylfa... við fórum 12 út að borða á þarna steikarstaðinn og svo á bar og fengið sér mojito og svo áfram í íslendingapartý með eldri nemum og svo var bara haldið á svona ungverskanútidjammstað þar sem var bara mjög svo ágætt :) Þar hitti ég norskan dreng og ég brillaði svo í þessari mjög svo takmörkuðu norsku sem ég talaði. Það setur eitthvað af stað í heilanum á mér þegar ég drekk, ég verð svo rosalega góð í norsku (ég lifi innan veggja blekkinga undir áhrifum) og við stelpurnar höfum í ófá skipti dottið niður í skandinavískar samræður á djamminu.... vandræðalegt... veit ekki hvort ég eigi að vera að segja frá þessu.

En allavega, í dag er ég bara búin að vera að læra undir ungverskuna og jú, skellti mér út að hlaupa... hérna lifir djammið og ég er bara að biðja til guðs að eitthvað fari að skýrast í íbúðamálum. Ein bæn á dag frá ykkur kemur íbúðamálum í lag... ;)

Bestu kveðjur heim! Heimta komment... :)

2008-08-24T09:48:00.002Z

Hey, þar sem ég er komin til Ungverjalands þá finnst mér við hæfi að smella inn einni færslu.

Ég og Bergþóra ósystir lögðum af stað á sunnudagskvöldið og áttum flug kl 01.00 aðfaranótt mánudags. Þar náði ég að setja met í svefni en ég svaf í báðum flugunum okkar og lestinni frá Budapest til Debrecen. Það er búið að vera svo brjálað gott veður, bara um 30°C og sviti.

Annars erum við bara búnar að vera í reddingum, íbúðaleit, horfa á vídjó, drekka Soproni og mojito, fara út að borða og svitna. Semsagt bara geðveikt næs tími hérna....

Á miðvikudaginn var flowerfestival hérna í bænum og allt lokað nema veitingastaðir og svoleiðis. En við ákváðum að skella okkur í sundlaugagarð hérna og þar lágum við í sólbaði í nokkra tíma... meganæs! en þar gerðist hræðilegur hlutur!! Tátöflunum mínum var stolið!! Ég var búin að eiga þær í svona 2-3 mánuði og keypti þá í HM - úr leðri og bara svona heví næs... neinei, bölvuð öldusundlaugin dró mig til sín og skónum mínum var stolið á meðan!! Ég grét og horfði illum leitandi augum á alla fætur sem ég sá það sem eftir lifði dags... óþarfi að segja það þá fór ég s.s. heim á tánum með leigubíl... megafínt bara :) Svo um kvöldið fórum við samt niður í bæ og fengum okkur í aðra tána og enduðum svo á hinum fornfræga Silence þar sem við vorum að djamma með fáklæddum 13 ára ungverskum stelpum... óþarfi að nefna að við duttum strax inn í hópinn.. !!

Íris Bjarna er komin hingað út og við fórum út að borða í gær á indverskan stað sem heitir Kashmir ... ég borðaði meira en nokkurntímann áður í lífinu og var bara í marga tíma að jafna mig... svo var drukkin heil hvítvínsflaska með og bara heví næs :):)

En svo er það bara ungverskunámskeið á morgun... vííí

2008-06-02T20:35:00.002Z

Það er búið að vera of gott veður seinustu daga. Var kominn 27 stiga hiti í skugga kl 10 í morgun og mér finnst það segja ágætlega frá því hvernig veðrið hefur verið. Hér er tíminn nýttur í það að rækta brúnkuna fyrir sumarið, því ekki fær maður mikið af henni heima í innivinnu milli hálf 8 og hálf 5 alla virka daga.

En allavega. Núna er ég að pakka saman öllu dótinu mínu. Gekk nú bara furðufljótt fyrir sig. Hún getur þetta stelpan þegar hún tekur sig til. Ágætt að vera búin með meirihlutann því að mér finnst þetta svooo leiðinlegt og það verður fínt að geta bara verið í sólbaði í staðinn. Tíminn sem tvíburarnir sofa er nýttur til hins ítrasta í sólbað og tan. Erfitt líf?

Ég hlakka svo til að koma heim að orð fá því ekki lýst. Mér er sama þótt mig rigni niður þegar ég kem, það verður bara svo geggjað að komast heim til sín. Er reyndar heimilislaus, þannig að hver sem er má aumka sig yfir mér og bjóða mér eins og eitt herbergi (helst stærra en 5fm, en það er herbergið sem ég fer í þegar ég kem heim - vúhú. allir velkomnir í heimsókn í nýjasta partýpleisið sem ber heitið "þröngt á þingi"). Nei, nei, maður lætur nú ekki svona smáatriði trufla sig þegar sumarið er tíminn til að vera úti að leika, engar áhyggjur og bara gaman.

Ég hef nú gert ýmislegt síðan síðast, farið á ströndina, farið upp Fløyen og séð útsýnið yfir Bergen, farið í norskt matarboð, farið og slúðrað í almenningsgarði á meðan sólin var að setjast, verið innan við 200 metra frá norska kónginum og já... verslað. Ehm, hef víst gert aðeins og mikið af því svona síðustu daga, en maður leyfir sér nú ýmislegt svona rétt áður en maður kemur heim.

Heyrðu, ég gerðist svo fræg að fara á heimaleik með Brann á móti Molde. Rosalega mikil stemming á vellinum, sungið og trallað. Þetta er mjög sterkur heimavöllur og þeir hafa ekki tapað á honum síðan 2006. Heyrðu, tóku mínir menn sig ekki til og töpuðu bara fyrsta og eina leiknum sem ég kem (líklegast) til með að fara á með Brann? Var nú ekki svo hræðilegt, leikurinn endaði 4-3 þannig að það voru fullt af mörkum og svona.

Alli malli hvað ég hlakka til að koma heim !!!

2008-05-18T21:37:00.002Z

Er að gera tilraun við að vera duglegri við skriftir hingað inn frá útlandadvöl minni. Um að gera fyrst það eru bara 18 dagar í heimkomu. En jæja jæja, betra seint en aldrei, bíst ég við.

Síðan síðast hefur nú ekkert rosalegt verið upp á teningnum. Veðrið er ekki búið að vera beint eitthvað til að hrópa húrra yfir, það er einhver kuldabylgja í gangi og hitinn rétt um 10-15°C og skýjað... ekki gott upp á tanið!! Fór á miðvikudaginn í Lagunen með H&G og tvillingunum en það er hérna rétt hjá og ætlaði að finna mér eitthvað 17. maí dress. 16. maí var svo stærsti leikurinn í deildinni, allir vilja fara á þann leik, fólk sefur fyrir utan stadiumið í 2 daga til að fá miða og allt hvað eina. Mæðginin skelltu sér en ég, Ísabella, Andrea og tvíburarnir vorum heima með Nínu, íslenskri stelpu sem að býr hér og er á svipuðum aldri og ég. Gekk eins og í sögu, enda er maður orðinn ansi sjóaður í því að höndla börnin eftir þessa frábæru reynslu sem ég hef fengið hér undir góðri leiðbeiningu frá Helgu. Maður kemur allavega með fullan reynslubanka heim og það er fyrir mestu.

Hér taka allir þjóðhátíðardaginn mjög hátíðlega og meirihluti fólksins í þjóðbúningum - allavega sínu fínasta pússi, pípuhattar og læti. Fólkið mætir allt niður í bæ og svo er risa skrúðganga þar sem að hópar taka sig saman og eru í henni. T.d. var Brann liðið og fjölskyldur einn partur af göngunni, nokkrar lúðrasveitir/trommusveitir, karatehópur, göngugarpahópur, hljómsveitir, leikskóli, bekkur í barnaskóla og svona ýmsir klúbbar, friðarsinnar og svoleiðis.... Svo var það hinn almenni borgari sem að myndaði útlínurnar af leiðinni sem löbbuð var í skrúðgöngunni og hrópuðu og kölluðu á liðið, heia Brann, heia Brann!! Mér fannst nú fyndnast að á einum stað þar sem ég og stórfjölskyldan vorum að labba var gaulað heia Brann, heia Island! Bara sí svona á þjóðhátíðardegi Norðmanna. Svo þegar gangan var búin var farið á Scandic hótel á hlaðborð með öllu Brannfólkinu og fleirum. Rosa gott bara.

17. maí var svo bara rólegur eftir þetta. Hafði umsjón með börnunum fjórum í smá tíma í skjóli nætur og gekk það bara glymrandi enda kann maður tökin á börnunum, þó svo að það spretti stundum sviti þegar það eru 2 lítil að kalla á umönnun í einu. Maður reynir eftir sinni bestu getu að höndla það samt og hefur gengið vel hingað til. Ef ég eignast bara eitt barn í einu þá verð ég í góðum málum eftir þennan tíma með tveimur. :)

Maður er dálítið farinn að hugsa um heimkomu, enda bara rúmar 2 vikur þangað til ég er alkomin til að vera næstu mánuðina/árin. Að mörgu leyti hafa þessir 4 mánuðir verið eins og miklu lengur að líða. Sú þekking og reynsla sem ég hef fengið þennan tíma er mun meira en lagt var með í upphafi. Með réttu hefði ég átt að vera í 4 mánuði í Leeds á Englandi með þeim öllum. En í staðinn var ég í einn og hálfan í Leeds, einn og hálfan á Íslandi og einn og hálfan í Noregi og fyrir vikið hef ég dýpkað skilning minn á ensku og breskri menningu (aðallega sjónvarpinu og í gegnum það .. hah! ;)) og svo er maður rétt að krafla sig áfram í norskunni, farinn að skilja helling og upplifa Bergen og norskt umhverfi. Ég hef allavega verið það ánægð með dvalirnar mínar í þessum löndum að ég gæti vel hugsað mér að koma hingað aftur, jafnvel í nám eða eitthvað annað.

Núna er bara um að gera að njóta tímans sem er eftir með fjölskyldunni hérna úti; litlu grísunum mínum fjórum og að fá sem mest út úr því sem Bergen hefur upp á að bjóða, læra norskuna enn betur eins og ég get á þessum stutta tíma.

2008-05-11T21:25:00.002Z

Já, ég er s.s. komin til Bergen. Ekki búin að taka eina einustu mynd þar sem að ég gleymdi hleðslutækinu heima, en er svo heppin að familían á myndavél og myndir sem ég ætla að fá að snapa með heim á klakann góða. Ekki það, ég þyrfti bara að kaupa mér blessað hleðslutækið, en einhvernveginn tekst mér alltaf að gera ekki neitt þegar ég fer inn í centrumið. En jæja jæja.

Annars hef ég afskaplega lítið afrekað á meðan ég er hérna. Eiginlega til skammar. Maður er hérna í einangrun í sveitinni, kemst ekki neitt nema með strætó og þar fram eftir götunum. Upplifi Nesttun og hverfið hérna í kring þegar ég fer út að skokka. Það er ágætt að taka strætó, sérstaklega niðrí bæ (brekkurnar eru þá manni í hag) en á leiðinni heim getur það verið KILLER (brekkurnar í óhag)!! Maður er s.s. búin að ganga af sér allt sem maður borðar þann daginn með því að labba frá næstu strætóstöð. Harðsperrur og strengir eru s.s. daglegt brauð eftir bæjarferðir. Mig langar mest til þess að fara þangað í joggingbuxum og hlaupaskónum til þess að meika gönguna upp - engir pæjustælar hérna nema við sérstök tækifæri. :)

Maður er aðeins farinn að klóra sig áfram í norskunni og ég reyni að nota hana þegar ég þarf að tala eitthvað við innfædda. Ekki misskilja, þetta er líklegast ekki norska sem ég tala heldur ágæt blanda af dönsku/íslensku/skandinavísku og ef í hart fer þá bregður maður fyrir sér enskunni. En þeir norðmenn sem ég hef snakkað með eru frekar líbó og ánægðir með tilraunir nýbúans. Maður lærir jú á meðan maður lifir. :)

Mér finnst samt bara æðislegt að vera hérna, veðrið er gjörsamlega búið að sýna sínar bestu hliðar og hitinn farið í um 30°C og á þeim dögum er legið úti á palli og sleikt sólina með professional tanning oil. Spánn hvað? Komiði bara til Bergen og þá er hægt að tala um sólarlandarferð!! En grínlaust þá þarf ég að redda myndavélamálum til þess að hafa einhver sönnunargögn fyrir því að ég hafi verið hérna. Djammið er eitthvað sem ég á eftir að prófa, en er ég reyndar ekkert brjálæðislega bjartsýn á að ná að prófa það en við sjáum til. Er ekki alveg týpan að velta mér ein uppúr hvítvíni og skella mér svo með strætó niður í bæ... ehm!

Reyndar átti ég ágætt kvöld í gær með 3 norskum stelpum. Þar var spjallað aðeins og horft á vídjó með gúmmelaði af bestu gerð. Tvær af þessum stelpum eru systur og búa hérna beint á móti og þær buðu mér í kusekveldet þeirra og þetta var jú bara nokkuð ágætt. :) Þær eru allar í háskóla og eru að læra; kennarann, lögfræði og svo vinkonan að læra hjúkrunarfræði. Et virklig bra kveld.

En jæja, þetta er komið ágætt. Smá svona innsýn af lífinu hér í Bergen, sem er jú frekar viðburðarlítið. Maður veit varla hvaða dagur það er... en ég veit þó að það eru bara 25 DAGAR þangað til ég kem á íslandið góða. Þeir verða nýttir vel!

Bestu kveðjur frá Bergen!!

Nokkrar myndir frá helginni

2008-04-01T15:18:00.001Z

Hey, það eru nokkrar myndir síðan um helgina inni í albúminu á mæspeis.. myspace.com/ragnheidurf =) hérna kemur smá sýnishorn:

... það var svooooo gaman

... Lára sæt að vanda :)

... við alveg með þetta inni á Organ

... við hittum Gumma líka

æjh, þetta var svo ágætiskvöld. enda er stefnan tekin á að endurtaka þetta afur um næstu helgi - eeeen við sjáum nú til með það! :)

oooog ég er líka ekki ennþá farin til noregs s.s. ég fer ekki fyrr en á mánudaginn næsta - frestaðist smá - sem er plús. :)

2008-03-24T17:02:00.002Z

er heima á íslandi eins og er - búin að vera í 3 vikur
ég fer til noregs eftir viku
kem ekki aftur fyrr en í byrjun júní
annars ekkert búið að gerast í rauninni
fór í tvöfalt tvítugsafmæli hjá gísla og gulla
gisti með láru, snæ, lilju og nönnu á grundafirði og þar var sötrað hvítvín og farið á 70's ball
fór svo með snæ, gulla, sigga rúnari og matta á nasa í eftirpartý sálarinnar og þar var jú smá hvítvín teigað
svo var babyshower hittingur fyrir editi með evu e, öglu, fríðu, helenu, láru, steinunni ooog ég vona að ég sé ekki að gleyma neinum - aldeilis ágætt, nuddstóll og læti :) svo var líka geggjað möns í boði mín; brauðréttur, bomba og dip ... svo voru niðurskornir ávextir, ostar og kex frá evu... mm... delisíus
svo tókum við í spil, ég, lára, jóna lind, lilja, nanna, hanna og snædís í síðustu viku
núna á páskahelginni fór ég upp í sumó með familíunni, farið á fjórhjól, legið í pottinum og haft það kósí...
svo var aftur spilað í gær og aðeins dýft litlu tánni ofan í hvítvínið góða + suðrænan kokteil... endað á mörkinni með meirihlutanum af yngri kynslóð akranesbæjar. ágætis tilbreyting frá því að meðalaldur þarna inni er yfirleitt yfir fertugt... þannig að þetta var nú ágætiskvöld :)
svoooo er ég búin að sækja um 2 háskóla, nú eru bara 3 eftir :)
búið að vera hreint ágæt dvöl á klakanum en ég get ekki beðið eftir að komast til bergen og testa það :)

djammið lifir! - blellert

2008-02-05T23:32:00.000Z

jájá, myndirnar ákváðu allavega að hætta bara að virka þarna í blogginu á undan. gebba næs!

Er samt ekki með neinar nýjar myndir handa ykkur, er ekki beint öflugasti bloggarinn á svæðinu, það verður að segjast eins og er. :S

En góðar fréttir hérna megin.... kem til Íslands í smá skattaskýrslugerð + námsráðgjafa og umsókna stúss helgina 15. - 18. þannig að það er um að gera að taka 16. frá þeir sem vilja taka þátt í gleðinni :)

Hef annars voðalega lítið að segja, mér tekst ótrúlega vel að eyða peningum hérna, búin að vera dugleg í búðunum og er ekkert að hætta held ég... - ætla sennilega inn í Harrogate eða York á morgun .. eða jafnvel Leeds, en ég sé til...

En þetta er allt að gerast, ... hugurinn er dálítið mikill hjá næsta hausti núna... kominn tími til að sækja um í háskólunum og svona - verður fínt að koamst heim og ná í öll gögn og svona. :/

En jæja, hafiði það gott kæru vinir og félagar og við sjáumst kannski bara bráðlega! :)

2008-01-26T19:25:00.001Z

(Ehm, hérna kemur bara smá sýnishorn af myndum...) = þær hurfu.. ehm! :S

Lífið hérna er bara ljúft. Svo gaman að dúllast í .öllum. börnunum, dunda sér og tala.
Ég hef nú voðalega lítið gert af mér hérna nema að vera með öllum á heimilinu. Aðeins búin að labba um hverfið og fór inn í Leeds í dag. Ég tók reyndar ekki myndavélina með þangað en ætla kannski aftur á morgun eða á miðvikudag til þess að taka myndir af borginni í leiðinni. :)

Núna er maður reyndar í smá svona millibilsástandi því að upp kom sú staða að við erum að fara að flytja til Bergen í Noregi, en Gylfi er að fara að spila með Brann. Það verður ágætt að prófa það líka. En við hin förum nú ekki strax.

Annars vona ég bara að þið hafið það gott. Kossar og knús á ykkur öll!

2008-01-19T20:22:00.000Z

Ég er komin til Wetherby.

Hef það afskaplega gott og líður voðalega vel. Engin heimþrá, bara gaman að vera hérna. :)
Set inn myndir við tækifæri af herberginu, fjölskyldumeðlimum og húsinu.

Vildi allavega bara kasta kveðju á liðið!

2008-01-13T23:32:00.000Z

Jæja, jólin búin, áramótin búin, London búin, Tene búin og allt hvað eina.

Það var ótrúlega spes að upplifa áramótin í London og bíða eftir að Big Ben hringdi inn nýtt ár. Flugeldarnir voru drasl miðað við Ísland, en það var góð stemming í hópnum og það var gaman. Tekið var smá djamm í London ásamt því að versla og skoða eins og London Eye og svo eiginlega mest Oxford Street. Sá samt Buckingham Palace, Piccadilly Circus, Marble Arch (eins í Hallelujah með Jeff Buckley - hef samt ekki hugmynd um hvort verið sé að meina þetta Marble Arch eeen, ég sá það samt), Tottingham Court Road (Harry Potter 7 ;)), fór á Queen Show með stelpunum og svona næsheit! :)

London var s.s. meganæs.

Það var samt heví fínt að koma til Tenerife. Ég, Lára, Ársæll og Viðar vorum saman í íbúð - vil meina að hún hafi verið með þeim flottari í ferðinni! :) Við gerðum ýmislegt; drukkum, fórum í vatnsleikjagarð (minn staður í lífinu - sérstaklega þá 3 rennibrautir sem að ég fór í ca. 100x - óþarfi að taka það fram að það voru semi barna), fórum í dýragarð, spiluðum kana, workuðum tanið smá, fórum á markað, fórum út að borða, löbbuðum í tungsljósinu meðfram ströndinni, fór á Den Glade Viking, Tramps og O'Neills, fórum á trúnó, vorum á tánum, spiluðum pool, drukkum öl og höfðum það ótrúlega næs.

Tene var líka meganæs.

Maraþon flug og áreynsla á jafnaðargeðið var svo frá kl 18 á lau þangað til á hádegi í dag. Á þessum tíma tókum við 2 rútur, 2 flug og gistum á flugvelli á bekkjum. Gebbanæs! En við erum nú komin heim, ég búin að hitta hele familien og knúsa alla... Var svo að koma af rúntinum með Kristínu þar sem að ferðin var krufin í frumeindir. :)

Fer svo á föstudaginn til Englands og verð þar næstu 4 mánuðina eða svo. Hlakka mjög mikið til og þetta verður bara ævintýri. Er allavega mjög jákvæð fyrir þessu öllu saman, þó svo að stoppið á Íslandi núna áður sé heldur betur stutt.

En ég fékk allavega ofboðslega góðar fréttir í dag, kom heim til mín á Íslandið góða, gat þvegið fötin mín og bara ótrúlega fínt allt saman! :D

Myndirnar koma seinna... adiós!

2007-12-24T00:11:00.000Z

*
Jæja
tæknilega
séð kominn að-
fangadagur - 23. búinn
ég er búin að pakka öllu inn sem
ég get pakkað inn. Öðru verður reddað á "eftir"
Er búin að vera að vinna í dag frá 8-12.30 og svo 16-22
ég fer svo líka að vinna á morgun frá kl 9-15
gebba
næs
****

vil óska ykkur öllum gleðilegra jóla og farsældar á komandi ári :*

2007-12-12T09:30:00.000Z

Hvar er lærigírinn?
- ég er klárlega ekki komin í hann ... damn it!
próf á morgun og ég bara að dúlla mér... lalalala

Led Zeppelin að spila saman á mánudaginn
heppin sem fengu miða
ef þeir fara í tónleikaferðalag þá ætla ég að fara á eina - sama hvað það kostar

útskriftarkjóllinn minn er tilbúinn í júníform
- núna er það bara að fara og borga fyrir dressið
eftir að prófin eru búin

útskriftarræðan er víst komin í mínar hendur
- spurning um að fara að hugsa eitthvað út í það
jájá

allt í góðum gír bara

2007-11-24T21:09:00.000Z

Þegar maður er kominn á ákveðin tímamót í lífi sínu þá getur hugurinn farið á flakk og leitað á svo marga staði. Núna styttist óðfluga í útskrift og veru minni í framhaldsskóla að ljúka og ég er búin að ákveða hvað ég geri eftir áramót, fram á vor. Ég er afskaplega spennt fyrir því sem ég kem til með að taka mér fyrir hendur og það verður gaman að vera á allt öðrum stað í nokkra mánuði. Fæ smá frí frá Akranesi og mínu venjulega umhverfi.

Ég kem til með að vera au pair á Englandi hjá íslenskri fjölskyldu fram undir lok maí væntanlega. Ég fer seinni partinn í janúar út - stuttu eftir að ég kem heim frá London og Tenerife. Þannig að það eru tvær utanlandsferðir á næstunni.

Hugur minn leitar samt ofboðslega mikið lengra út. Hvað á ég að gera í haust? Næ ég lágmarki fyrir læknisfræði á Íslandi, fæ ég já frá Ungverjalandi eftir inntökupróf, kemst ég inn í skóla í DK ef ég næ að sækja um? Ef já verður svarið við einhverjum af þessum spurningum þá er ég að öllum líkindum búin að binda mig fyrir næstu 6 - 7 ár við að læra list lækninganna. Það væri alveg draumurinn að geta byrjað fljótlega að læra það sem mig langar að læra. En samt, dálítið snemmt að vera ekki orðin 20 og búin að binda sig að mörgu leyti fyrir næstu 6-7 árin - sérstaklega þegar ferðaþrá mín er í hámarki núna.

Erfitt, ha? Svo kostar þetta jú líka allt saman. Mér finnst að það ætti að bjóða ferðalán fyrir þá sem geta hugsað sér að ferðast - eflaust í mörgum tilfellum meiri menntun sem maður hlýtur út frá því að kynnast öðrum hlutum heimsins og menningu, þó svo að maður útskrifist ekki beint úr svoleiðis ferðalagi. Þá væri þetta engin spurning hvað mig varðar, myndi nú bara taka lán fyrir ferðalaginu og ferðast í svona ca. hálft ár og skoða Suður-Ameríku. Svo gæti maður bara borgað af þessu eftir ca. 10 ár, þegar ég væri búin með lækninn og búin að koma undir mig fótunum að mestu leyti.

En læt nú vera með meiri hugleiðingar í bili. Dimmeteringin í gær var æði. Ekkert smá gaman! :)

2007-11-01T17:54:00.000Z

Ég elska þegar eigin fordómar eru reknir á gat.

Maður leyfir sér svo oft að halda eitthvað ákveðið um ákveðnar manneskjur og mynda sér fasta skoðun sem að byggist oftar en ekki á fáfræði og einstökum atburðum, útliti eða öðru sem kemur í rauninni manneskjunni í heild ekkert við. Við höfum öll galla, útlitslega, andlega og í atferli. Það þýðir samt ekki að maður eigi að vera stimplaður vegna þess án þess að þekkja ekki það sem liggur raunverulega að baki.

Þess vegna elska ég þegar mínir fordómar eru teknir, svoleiðis rifnir niður og skilja ekkert eftir sig nema skömmustutilfinningu og eftirsjá vegna þessara fordóma. Það er svo góð tilfinning þegar maður fær innblástur, hvatningu og styrk frá einhverju sem maður var búinn að mynda sér fordóma gagnvart. Það ýtir líka undir það að maður haldi sínum fordómum í hófi og stimpli ekki hvern og einn útfrá einhverju augljósu. Eins og t.d. fötlun. Maður afskrifar fólk oft vegna fötlunar. Líkamlega fötlunin sést náttúrulega alltaf strax og af einhverri ástæðu þá stimplar maður oft andlegu hliðina sem líka fatlaða.

Eftir að hafa hlustað og horft á viðtalið við Ölmu og Freyju í Kastljósinu þá rak ég mig aftur á þessa fordóma mína. Ekki það að ég hafi í fyrsta skiptið áttað mig á því að maður á ekki að hafa fordóma gagnvart fötluðum, heldur bara að einhvern veginn ósjálfrátt gerir maður það og að þrátt fyrir að vita betur, þá eru þeir alltaf þarna. Þess vegna núna er ég svo ánægð með þær stöllur, þær minna okkur öll á að maður á ekki að hafa fordóma, hvort sem það er gagnvart fötlun, kynþætti, ljóskum, rauðhærðum, samkynhneigðum og svo framvegis.

Hættum að dæma fyrir fram.

2007-10-08T20:33:00.000Z

Snilldar helgi að baki.

Spiluðum á föstudagskvöldið. Tek það fram að ég var í vinningsliðinu. Gettu Betur nördinn átti ekki roð í okkur.

Átti nokkuð nettan laugardag. Svaf út, gerði mig til og spilaði svo eftir mikla bið á opnun nýja tónlistarskólans. Svo kíkti ég aðeins á Margréti Elvu mína, sem er svona í sætari kanntinum. :) Þá ákváðu ég og Óli að drífa okkur upp í sveit á fjórhjólin og spæna aðeins upp grasið og moldina. Fórum alveg inn í tá og fórum svo fjöruna til baka. Adrenalínið í botni og bara gaman. :)

Kom svo heim í seinni kanntinum, eða um 7. Þar sem ég er ofurstelpa þá tókst mér að vera komin heim til Hönnu Maríu og klár um hálf 8 leytið. Þar hófst át með henni og Jasoni og Lára kom svo veitti okkur félagsskap á meðan ég kláraði að krulla hárið og mála mig. Fórum svo heim til Snædísar og þar hófst drykkja og gleði. Skemmti mér vel þar fram eftir kvöldi í góðum félagsskap.

Á ballinu var gleðin við völd og ótrúlega gaman. Hah. Langt síðan ég hef skemmt mér svona vel á balli. Samt var svona niðurkafli á ballinu og ekki gaman. En annars man ég bara eftir því að hafa haft gaman.

Á leiðinni heim komum við við í skútunni og þar varð ansi þröngt á þingi í bílnum, en þar sem ég er svo létt á fæti þá reddaðist þetta allt saman. ;)

Kringlan og bíó í gær. Lára veitti mér félagsskap í leit minni að einhverju. Fann fallegan kjól sem ég mun nota við næsta tækifæri. Svo fór ég með hjartaknúsaranum henni Nönnu í bíó á Heima.

Skylduáhorf. Segi ekki meira og ég stefni á það að sjá hana aftur við fyrsta tækifæri.

Tókst svo aldeilis að sofa yfir mig í saumatöku í morgun. Svaf líka í 12 tíma straight.

Jebb. Ágætt.

2007-10-03T17:06:00.000Z

Ég hlakka til þegar náttúruvalið verður komið svo langt að við fæðumst ekki með óþarfa endajaxla.

Ég er ekki húsum hæf nema uppdópuð af íbúfeni.

Þetta er argasti viðbjóður.

2007-09-28T18:05:00.000Z

Viðrar vel til loftárása er svo gott lag.

Ég hlakka svo til að sjá Heima.

Þarna, efst uppi í skeifunni var ég og hlustaði á Sigur Rós með góðu fólki fyrir rúmu ári.

gúúúúd tæms!

2007-09-23T22:10:00.000Z

Mér finnst það mín skylda að segja frá því sem á daga mína dreif þessa helgi fyrst þið lesendur góðir áttuð ykkar þátt í að skapa helgina!

Tilfinningin sem það var að vakna á föstudaginn, vitandi að þetta væri í síðasta skiptið í 9 daga sem ég þurfti að vakna kl korter í 7, var ólýsanleg! Þegar ég steig út úr sjoppunni kl 9.30 - sigrinum fegin - þ.e. að hafa meikað að vakna kl korter í 7 fimm daga í röð var stórkostleg! Mætti í tíma og var búin á hádegi! Aldeilis sem ég hafði frí frá 12 til kl hálf 3 þegar leikskólinn tók við. Þar lék ég við börnin með gleði í hjarta yfir komandi FRÍhelgi. Jú, það skyldi nú vera gaman!

Klukkan var 17.30 að staðartíma þegar fríhelgin opinberlega byrjaði. Mig langaði að valhoppa um alla hóla Akranesbæjar, jóðla fyrir utan Skagaver og fara í kollhnís yfir gangbraut! Eeeen, þar sem maður hefur víst orðspor að verja þá lét ég það nú vera.

Eyddi helginni í góðra vina hópi. Jós úr skálum visku minnar og orðaforða með miklu tali á föstudagskvöldið með góðum vinkonum. Jú, sinnti skyldum mínum sem unnandi þess að keyra í tilgangslausa hringi og náði í ölvaða manneskju - en það er það sem ég geri einna best í lífinu. Svaf svo vært en svaf ekki lengi því það að sofa út er ekki það sem ég geri best. Ofvirkni síðustu mánaða hefur gert mér þann óleik að sofa lengur en til 10 á morgnanna er guðlast og sóun á degi. Höfuðborgin og hreyfing einkenndi daginn - úr höfuðborginni kom ég ríkari af tannbursta/tannkrems/sápustatífi ríkari - allt í einum pakka á aðeins 4000 kr!! Já, það borgar sig að vera vinnualki.

Guðaveigarnar voru þambaðar af miklum krafti í gærkvöldi í teiti hjá Guðrúnu Selmu. Hló þar eins og gömul kona á hassi og skemmti mér vel. Fór svo á ansi skemmtilegan skemmistað sem er yfirleitt uppfullur af fólki frá Austur-Evrópu - þá sérstaklega Póllandi. Skil ekki hvað við stelpurnar vorum að spá í að fara í Interrail um Austur-Evrópu - hefðum alveg eins getað setið á mörkinni og sparað okkur peninginn!!

Endaði svo á munnræpustiginu - svona eins og ég er þekkt fyrir.

Jú lesendur. Helgin að líða undir lok. Fótboltaleikur, lærdómur, badmintonæfing og meiri lærdómur hefur einkennt daginn í dag.

Mjög svo ánægjurík helgi að baki!

2007-09-18T12:19:00.000Z

Valkostir

Já. Nú vil ég ykkar skoðanir gott fólk.

Núna næstu helgi á ég mína fyrstu fríhelgi síðan í maí (fyrir utan 5 vikur í útlöndum - en það var ekki fríhelgi get ég sagt ykkur ... samt miklu betra heldur en nokkur fríhelgi). Það er nauðsynlegt að eiga fríhelgar við og við... og þegar þær koma svona sjaldan við þá þarf að nýta þær vel til einhvers gamans... en þó ná að slaka á og vera latur.

Þannig að...

Hvað á ég að gera um helgina?
A. Taka til og gera fínt heima hjá mér... nenni því lítið þegar það er svona brjálað að gera. Þannig að þetta væri gott tækifæri til tiltektar.
B. Djamma feitt = halda partý og fara svo á Mörkina --- úúú ekkert nema stanslaust stuð á Akranesi.
C. Fara í sumarbústað fyrir vestan og slaka á í pottinum, elda góðan mat, baka og hafa það kósí.
D. Dugleg að hreyfa mig og læra.... mmm.. as ifffffff!
Nú eða liður E.
E. Fá fjórhjólið hans pabba og plata Óla bróður til þess að fara með mig eitthvað á fjórhjólinu.

Þetta er erfitt val. Ætli ég endi ekki á því að gera ekki neitt

2007-09-09T20:17:00.001Z

Kanye West og Haukur Morthens

Eins og ég get nú verði hipp og kúl (ég veit þetta var ekki mjög hipp og kúl) þá er ég alltaf að fatta meira og meira hvað ég er virkilega gömul innra með mér. Veit ekki hvort þetta sé þroski eða einhver hluti af mér sem er að koma meira og meira fram þessi síðustu misseri.

Mér finnst ég t.d. dagsdaglega hafa ákveðin verkefni sem krakkar á mínum aldri eru ekkert endilega að sinna á þessum tímapunkti í lífi sínu. Þ.e. þau sem búa við sömu aðstæður og ég, þ.e. ennþá í foreldrahúsi. Hluti af því sem ég geri á hverjum einasta venjulega degi er að fara í skólann, vinna og læra heima. Þetta er ekkert óvenjulegt, heldur það sem bætist á þetta er það að áður en ég fer í skólann er ég stundum búin að vinna í 3 klst eða meira. Það er af því að stundataflan mín hentar vel fyrir það ástand sem er í Shell þessa dagana, þ.e. skortur á vinnuafli, og ég mæti ekki í tíma fyrr en um 11 leytið eða seinna flesta daga vikunnar. Ég er einnig búin að vinna dálítið seinnipartinn, eftir skóla, í Shell siðustu daga en það verður ekki hér eftir því ég er búin að ráða mig í vinnu frá 16 - 17.30 alla virka daga á annan vinnustað. Ekki mikið, dagurinn minn í skóla og vinnu er yfirleitt aðeins frá 7.30-17.30. En að vísu lærdómur eftir, æfingar á flautuna og ef að ég ætla að halda áfram að hreyfa mig þá þarf það líka að gerast eftir kl 17.30.

Stóran part vikunnar bý ég ein á mínu heimili þar sem pabbi er fyrir vestan að vinna fyrir heimilinu, því falla ýmis verkefni sem foreldrarnir sjá yfirleitt um, í mínar hendur. Ég versla yfirleitt inn í matinn, brýt saman þvottinn og geng frá honum, skúra, þurrka af og svo skiptist þetta nú svolítið þegar hann er heima, ca. 2-3 daga í viku.

Þetta truflar mig ekki neitt og hefur ekki gert það hingað til. Enda er ég mjög dugleg við það að hundsa það sem þarf að gera, enda situr þvotturinn brotinn eða óbrotinn saman svo vikum saman í sófanum og truflar mig ekki neitt fyrr en ég tek mig til og geri hreint; ryksuga og skúra og þurrka af. Þá er hann allt í einu fyrir en annars aldrei vottur af samviskubiti vegna framkvæmdaleysis. Þvottahúsið er fullt af þvotti því ég nenni ekki að setja í vél og annað, en þó kemur að því á endanum og þá er það yfirleitt dagurinn sem fer í þvottastúss.

Þannig kemur þetta niður á það að ég er fullorðin með fullorðins skyldur suma daga. Aðra drasla ég til og er unglingur sem nenni ekki að ganga frá eftir mig og því safnast upp verkefnin, rykið, þvotturinn, óhreina tauið, lærdómurinn, æfi mig ekki á flautuna svo dögum skiptir og annað mjög venjulegt hjá unglingi nú til dags.

Annað sem bendir til þess hversu gömul ég er þá er ég búin að finna mér uppáhalds útvarpsstöð og uppáhalds útvarpsþátt. Rás 1 mun vera mín rás um komandi tíð og mun ég sitja spennt á föstudagskvöldum og bíða eftir óskastundinni; þá fæ ég að hlusta á góðar og gamlar upptökur af lögunum sem maður heyrði á plötum og þegar maður hlustaði á útvarpið heima hjá ömmu og afa og þau létu mann læra. Upptökur síðan á 4. áratug síðustu aldar, Haukur Morthens og ljóð Davíðs Stefánssonar við hin ýmsu lög, karlakórar, góðar kveðjur og vísur.

Annars er ég mjög hipp og kúl svona líka því mér finnst Stronger með Kanye West magnað lag, enda er sá maður snillingur í einu og öllu.

2007-09-05T23:46:00.000Z

Jámm. Meira hvað maður er flippaður svona nútildags.

Busaball á síðustu helgi. Skemmti mér mjög vel í partýi. Ég var gömul á ballinu og fór snemma heim. Ekki alveg að nenna þessu. En gaman samt hérna heima fyrir ballið, hljóp í rigningunni eftir einhverju sem ég átti ekki að hlaupa eftir. Var nokkuð vel kennd ... en það rann eiginlega allt af mér á sama tíma og maskarinn og annað vegna bleytu. Mjög hressandi samt sem áður.
Mæli með því að vera á peysunni og íslenskri rigningu.

Ég á einhverjar myndir frá þessu kvöldi, spurning um að ég skelli þeim inn við tækifæri.

Annars er það bara vinnan... og skólinn og svo aðallega vinnan sem einkennir þessa daga hjá mér. Gæti verið að ég sé að fara að bæta við mig enn meiri vinnu. En vinnan göfgar manninn er það ekki? Fer að hljóta nafnbótina starfsmaður mánaðarins með þessu áframhaldi.

Hey. Ég tók þá ákvörðun í dag að skella mér með í útskriftarferðina til Kanarí. Ánægð með að hafa ákveðið að skella mér. Það þurfti samt að sannfæra mig. Viðar lofaði mér að ég fengi að skoða söfnin þarna úti og að hann myndi personulega fara með mér. Hanna sagði að við gætum horft á fjöllin sem eru þarna og eitthvað. Ég hef samt komið þangað áður, reyndar fyrir rétt tæpum áratug síðan í minni fyrstu utanlandsferð. Skrítið hvað ég man ekkert eftir þessu blessaða landslagi. En ég mun tjékka á því núna. Heheh.

Þetta verður ágætisumbun fyrir alla þessa brjálæðisvinnu sem ég vinn í vetur.

En jég var að koma úr bíói. Fórum á Knocked Up og hún var ekkert smá fyndin. Mæli með henni. Dálítið löng en mér fannst hún svo fyndin! Mikið um svona dagsdaglega brandara og þar sem ég er mjög einföld hvað varðar húmor þá gat ég skemmt mér vel :)

En jég ætla að fara að koma mér í háttinn. Þarf að mæta ó svo snemma í skólann á morgun. Kl 9.30 !!

Annars eru ég og Depeche Mode eitt þessa dagana. Er í fyrsta skipti að hlusta á þá og líkar mjög svo vel. Mæli meððí fyrir þá sem ekki hafa prófað að hlusta...

2007-08-28T20:09:00.000Z

Jég held að ég sé búin að finna nálægt því fullkomnun í söngtexta.

Hlustiði á textann í Somebody með Depeche Mode.

Ekki það að hann segi nákvæmlega það sem ég hugsa, hann á bara svo vel við með flesta í heiminum og það sem við viljum öll á endanum.

Annars er ég bara nokkuð góð. Skóli og vinna einkennir dagana en það er ágætt að vinna fyrir saltinu í grautinn.

2007-08-26T18:00:00.000Z

Helgin er búin að vera fín. Er reyndar að vinna, en þó hentugan vinnutíma til afþreyingar.

Búin að taka til heima hjá mér, ryksuga og skúra milli vinnu. Fór í brúðkaupsveislu í gær og upp í sumarbústað til þess að tala í góðra vinkvenna hópi og sötra öl, en ekki ég þar sem ég var á bílnum. Þegar ég keyrði heim í nótt úr bústaðnum var þvílíkt leiðindaveður að það hálfa væri nóg. Slydda, rigning og haglél á tímapunkti.

Annars hélt ég tiltekt áfram í morgun þegar ég vaknaði. Svo var ég að koma úr sveitinni núna. Æðislegt veður og við hittum þríburana.

Maturinn uppi í sveit var samt lang bestur. Fékk svona alíslenskt og gott. Fékk "beljumjólk" og svo líka kjötsúpu ásamt því að fá heimabakað úr bakaríinu! ;) Gebbanæs svona í góðu veðri.

Jájá, ætli ég fari ekki bara að sauma út svona rétt fyrir vinnu, bara til þess að undirstrika það hversu gömul ég er í hjarta mínu í rauninni og hlusta á gullbylgjuna.

FornRagga kveður :)

2007-08-13T20:07:00.000Z

Að kunna að segja nei.

Það er eitthvað sem ég þarf að læra.
Búin að vinna 40,5 klst um helgina - nánast frá 8-24 eða 23.30. Á reyndar 1-2klst á milli vakta, en þær telja lítið þegar þreytan segir til sín.

Í dag mætti ég í vinnu kl 8 og vann bara til 15 því ég var að fara á næturvakt í nótt. Eftir vinnu, kl15.30 þá var ég mætt í Shell og vann þar til 19.30. Er svo að fara á næturvakt kl 24.

Svo núna rétt í þessu hringdi kona frá Gallup í mig. Ég hef ekki gaman af því að svara svona könnunum en af því að ég kann ekki að segja nei þá bauð ég henni að hringja í mig í næstu viku og bauð henni gemsanúmerið mitt svo að hún myndi nú örugglega ná í mig.
Einmitt einmitt einmitt.

Ég er örugglega bara með óráði af þreytu.

Farin að leggja mig fyrir næturvakt.

2007-08-03T00:35:00.000Z

Jaaaá.

Hvar á ég að byrja? Hef reyndar lítið að segja enda geri ég lítið annað en að vinna. Á reyndar frídag inni á milli en þegar maður er í 120% vinnu þá er löngunin í það að gera eitthvað stórmerkilegt afar takmörkuð. Fór þarna upp í bústað fyrir löngu síðan og slappaði aaaaaf í góðum félagsskap, fór í pottinn, kíkti á Blómsturvelli á Hellissandi, fékk mér ís í Ólafsvík og horfði 5x á litla kjúllann. Get alveg mælt með þeirri mynd. :)

Skipti um helgi þessa helgi þannig að ég er í fríi á sjúkró nema á morgun og mánudaginn. Datt í hug að fara á Akureyri en strax eftir að ég klárað vinnuna eftir að ég gerði skiptin fór ég niður í Shell og náði mér í aukavaktir á lau og sun um helgina þannig að Akureyri fór fyrir lítið. Flestar vinkonurnar að fara en þær sem fara ekki eru blessaðar af mér! :) En vinn s.s. bæði í Shell og á sjúkró á næstu helgi (10.-12. ágúst) sem verður án efa sensual. Ef allt fer eins og það á að fara vinn ég 40 klst og hálfan tíma. Verð líka flippuð og fer svo á morgunvakt/næturvakt á mánudeginum. Djamm? ...Einhver? -Nei ég bara spyr.

Hef annars ekkert gert, allir í heiminum búnir að sjá Harry Potter nema ég og því stefnir allt í það að ég fari ein í bíó. Það er hressandi tilhugsun. Einhver á Harry Potter með mér þegar ég er ekki að vinna?

Ragga, a.k.a. Vinnualki kveður með sól í hjarta og bros á vör og biðst afsökunar á leiðindar færslu.

2007-07-23T15:59:00.000Z

Muniði þetta krakkar mínir og allt mun verða ljóst.


Love, love, love, love, love, love, love, love, love.
There's nothing you can do that can't be done.
Nothing you can sing that can't be sung.
Nothing you can say but you can learn how to play the game
It's easy.

There's nothing you can make that can't be made.
No one you can save that can't be saved.
Nothing you can do but you can learn how to be in time
It's easy.

All you need is love, all you need is love,
All you need is love, love, love is all you need.
Love, love, love, love, love, love, love, love, love.
All you need is love, all you need is love,
All you need is love, love, love is all you need.

There's nothing you can know that isn't known.
Nothing you can see that isn't shown.
Nowhere you can be that isn't where you're meant to be.
It's easy.

All you need is love, all you need is love,
All you need is love, love, love is all you need.
All you need is love (all together now)

All you need is love (everybody)

All you need is love, love, love is all you need.
- Lennon/McCartney

2007-07-17T00:21:00.000Z

Jú, núna er það þreyttur Lúlli sem fer upp í rúm.
Um helgina vann ég næstum 39 klst og það tekur á, það verður að viðurkennast. Var því fegin í gærkvöldi þegar ég lagst upp í eftir smá rúnt með Kristínu.

Fannst eins og ég ætti frí í dag því að ég fór bara á kvöldvakt á sjúkrahúsinu. Vann nefninlega auka bæði á sjúkrahúsinu og shell um helgina ofan á mínar eigin vaktir.
Svona er að vinna fyrir Visanu.

En ég stefni líka á tjill á miðvikudaginn eftir morgunvaktina mína þar sem ég á frí á fimmtudaginn og svo næturvakt á föstudag.
Er að spá í að fara bara upp í bústað og liggja í pottinum og fá goooooott að borða! Grill og læti!

En ekkert meira í fréttum, enda var ég ekkert á djamminu þessa helgina... sem er annað en venjulega.

2007-07-12T23:08:00.000Z

Það er erfitt að vera úti og sjá svona margt sem maður sér ekki á hverjum degi án þess að það hafi áhrif á mann.

Við sáum mjög mikið af fólki sem bjó á götunni. Þó man ég sérstaklega eftir því að hafa séð marga betlara í Mostar, Bosníu og svo Budapest, Ungverjalandi. Stundum veit maður ekki alveg hvort maður eigi að gefa þessu fólki smá aur (hljómar voðalega harðneskjulega en þetta er ekkert svona svart á hvítu, sumir eru bara að blekkja). Við vorum að labba á svona stórri markaðsgötu í Mostar þegar það kemur til okkar kona með barn að betla. Við ákveðum að gefa henni smá pening og hún fer svo í burtu. Stuttu seinna þegar við erum að labba yfir brú þá mætum við konunni að vera að borða ís og maður spyr sig hvort maður eigi yfirleitt að vera að styrkja ískaup þessara kvenna, því klárlega voru þær ekki að spara þennan aur fyrir eitthvað þarfara, eins og mat með næringu í.

Kannski er ég bara smámunasöm, ég meina við gáfum henni peninginn og okkur munaði í rauninni ekkert um þetta, hún gat keypt það sem hún vildi. Eftir þetta vorum við samt dálítið varkárar varðandi þetta.

Svo í Budapest kom til okkar betlar þegar við vorum nýbúnar að fara í matarbúðina og við ákváðum að prófa að bjóða gömlu konunni banana og hún var sú sáttasta með það, blessaði okkur í bak og fyrir og þakkaði fyrir sig. Það gladdi okkar litlu hjörtu að hún hafi verið svona sátt með þetta og fyrir vikið varð þetta eitt það eftirminnanlegasta úr ferðinni! :)

En við sáum samt fullt af öðru fólki sem bjó á götunni og átti bágt. Það er víst hluti af þessu öllu saman. Það er samt alltaf átakanlegt og spark í rassinn fyrir það hvað maður hefur það gott.

Manni langar samt alltaf til að bjarga öllum. Ég vona bara að ískonan hafi verið sátt með ísinn sinn og notið hans vel. :)

2007-07-09T15:29:00.000Z

Nokkrar myndir úr ferðinni:

Þetta er fyrsta mynd ferðarinnar. Erum á leiðinni með Dr. Birni út á flugvöll, spenningur í hámarki.

Við í metroinu frá Gatwick flugvelli á leiðinni inn í London til þess að ná í Interrail passann hennar Steinunnar. Hún gebba stressuð eins og sést vel á myndinni! ;)

Það er bara prinsipp að flippa með mynd af klassískum símaklefa í London. Sátum reyndar í dágóða stund á Burger King eða MacDonalds með útsýni yfir Piccadilly Square. Var í kaldari kanntinum í London. :) Sváfum (reyndar mismikið) svo á flugvellinum um nóttina, en við áttum flug til Króatíu kl 06.00 um morguninn. Djammið lifir!

Pósumeistari ferðarinnar. Þessari stúlku reyndist erfitt að vera með vott af normalleika á nokkurri mynd sem var tekin í ferðinni. Það þótt afrek ef hún var nálægt því að vera eðlileg! ;) Þarna erum við samt í siglingu um Elafiti eyjarnar fyrir utan Króatíu. Brunnum þann daginn, en hver er verri þótt hann roðni spyr ég nú bara? ;P

Við tvær vorum hins vegar alltaf eðlilegar, enda dannaðar dömur. Síðasta kvöldið í Dubrovnik, Króatíu. Kíktum út á Latino Club og þar náði Elín að heilla breskan bátaeiganda. En það var nú ekki í eina skiptið í ferðinni sem henni tókst það! ;) Forðuðum okkur fljótlega eftir að við höfðum fengið nægju okkar af Mojito og Malibu Pineapple. ;)

Næsta stopp var Mostar í Bosníu á leiðinni frá Dubrovnik til Sarajevo. Ótrúlega sætur lítill bær og það rennur á í gegnum hann, sægræn og tær. Þar var borðað ódýrt og skoðað um á meðan við biðum eftir að taka lest frá Mostar til Sarajevo.

Við vorum á Hosteli sem liggur alveg við Pidgeon Square í Sarajevo.

Elín var dressuð upp fyrir djammið með hjálp sölumanns á markaði. Hann gaf okkur svona reykingahólk til þess að reykja sígarettur í, eins gott fyrir okkur stórreykingamennina! Mikið notað það sem eftir var ferðarinnar... hehe! Hann hefur reyndar ekki skilað sér með mér heim, veit ekki hvað hefur orðið að þessum hólk. Vinalegur maður og gjafmildur. ;)

Sarajevo Roses eru á mörgum stöðum í Sarajevo. Við sáum reyndar enga fyrir utan þessa sem var fyrir utan Tunnel Museum. Serbar sátu um Borgina frá árinu 1992-1995 og líflína íbúa Sarajevo á þessum tíma voru göng sem lágu undir flugvöllinn þeirra sem var fyrst undir umsjón Serba en seinna undir Sameinuðu Þjóðunum sem tókst að klúðra málunum fyrir íbúa Sarajevo. NATO ætlaði strax í upphafi að sprengja upp Serbana en SÞ vildu frekar taka á málunum friðsamlega. Eftir næstum 4 ár af The Siege (umsátrið) gerði NATO árás á Serbana og tókst að frelsa borgina á 4 dögum.

Hópmynd af okkur tekin af leiðsögumanninum okkar sem sagði okkur frá The Siege of Sarajevo. Fengum s.s góða fræðslu frá manni sem upplifði þetta allt saman á árunum '92-'95. Hann gekk m.a. með 65 kg á bakinu gegnum göngin undir flugvöllinn (800 metrar) til þess að ná í vistar og mat fyrir fjölskyldu sína sem bjó í Sarajevo.

Biðin í Belgrad. Belgrad var eiginlega bara millibilsástand hjá okkur. Komum með næturlest frá Banja Luka í Bosniu og vorum þreyttar eftir erfiða nótt (fórum yfir landamærin frá Bosníu til Króatíu og svo yfir önnur til Serbíu) af vegabréfstjékki og lestarmiðatjékki á ca. klst fresti. Sáum ljósmyndasýninguna Earth from the Air og þar voru 3 myndir frá Íslandi. Þessi er af Bláa Lóninu en það voru líka myndir af Lakagígum og Þjórsá.

Í Svartfjallalandi vorum við í strandbæ sem heitir Budva. Vorum úti á hjólabát þegar við sjáum svona lítinn speedbát, gaurarnir veifa og bjóða okkur í siglingu. Við ekki lengi að þiggja boðið og skellum okkur um borð. Þeir fóru með okkur á tærustu strönd við Svartfjallaland. Þar náðum við ekki í botn en sáum samt botninn og skuggan af bátnum á botninum. Þetta var ekkert smá fallegt. Drengurinn á myndinni varð ástfanginn af Elínu "Meg Ryan" og vildi giftast henni. Það var ekki vinsælt! ;)

Fórum frá Svartfjallalandi með ferju til Ítalíu. Ferjan stoppaði í Bari og við fórum með lest til Rómar og skoðuðum það helsta sem Róm hefur upp á að bjóða, m.a. djammið. Þetta er mynd af Colosseo.

Piazza De Venizia. Þetta er hersafnið sem stendur við torgið. Ég og Nanna sátum í smá stund á bekk fyrir utan safnið og hjá bekknum voru tröppur og á þeim ca. 5 mín sem við sátum þarna sáum við 3 manneskjur detta í stiganum, eins illkvittnislegt og það var þá lágum við í kasti yfir þessu öllu saman! ;)

Eftir 3ja tíma svefn drifum við okkur í Vatikanið. Sáum páfann en hann kom og blessaði liðið. Höfðum svo stuttan tíma að við gátum ekki séð the Sixtine Chapel - maður verður að eiga eitthvað eftir og ég ætla að sjá hana áður en ég hrekk upp af þannig að ég á eftir að fara aftur til Rómar. Fórum svo með lest frá Róm til Feneyja.

Höfðum stuttan tíma í Feneyjum þannig að við drifum okkur bara með strætó um Feneyjar í ca. 2 tíma. Það var speees. Þannig að við sáum eiginlega ekkert Feneyjar, ekki svona í alvörunni, svo að ég á eftir að fara þangað líka aftur. En þetta er mjög furðulegt, sáum sjúkrahúsið og sjúkrabátinn. Pælið í þessu, það þarf sjúkrabát ef maður skyldi lenda í einhverju og þyrfti að fara á sjúkrahúsið.

Þessi sæti krullukrakki var líka í bátnum. Var alltaf að kíkja á okkur og fylgjast með. Byrjaði svo að syngja hástöfum og var krúttleg! :D
Stoppuðum rétt yfir nótt í Ljubljana en þetta er dæmigerð mynd af okkur í lest. Þarna erum við á leiðinni frá Ljubljana í Slóveníu til Bled sem er líka í Slóveníu.

Þessi mynd er tekin rétt hjá heimagistingunni okkar í Bled. Gistum hjá æææðislegri konu í ótrúlega sætu húsi. Það var svona smá úti í sveit en samt stutt niður í miðbæinn sem er við vatnið sem er í Bled. Heimagistingin var eins og fínasta hótel, voðalega sáttar með það! :D

Fórum á árabát út í eyjuna sem er í vatninu í Bled. Vorum alltof lengi í bátnum og skiluðum alltof seint vegna róðrar örðugleika. Það var þó ekki af minni hendi enda ekki sjómannsdóttir fyrir ekki neitt! ;) Hef þetta í báðum genunum, frá pabba og svo afa Skarpa. Var samt voðalega gaman og ótrúlega fallegt þarna í Bled. Mæli með þeim stað ef þið farið til Slóveníu.

Svo fórum við til Budapest. Þar notuðum við metroið mikið og þar var auglýst tónlistarfestival sem heitir Szieget og þar rákumst við á nafnið á íslenskri hljómsveit sem ég hef mikið dálæti á, jújú, gusgus bara auglýst þarna úti í hinum stóra heimi! :D Vorum glaðar að sjá þetta. Fórum samt líka í risa baðhús þarna í Budapest, lágum þar í sólbaði allan daginn og wörkuðum tanið og slöppuðum af eftir mikla ferðadaga.

Kíktum út á lífið í Budapest. Þar var smakkað á absinthe ásamt hinum góða Mojito. Þar sá ég reyndar ekki um drykkjuhlutann enda dönnuð týpa með eindæmum. Þar kom í ljós mikill áhugi Steinunnar á karókí. Þegar ég var til í að komast heim þá var ég sett með Steinunni í það að horfa á karókíið meðan hinar gerðu sitt í það að heilla skemmtistaðafólkið með trylltum dansi eins og þeim er lagið! ;D

Jújú, þær eru allar bláedrú!

Skoðuðum líka það sem mun vera það ógleymanlegasta úr ferðinni, jújú - mikið rétt. Marsipansafnið í Budapest! Helvíti hressandi og skemmtilegt!

Þegar við komum til Póllands var ákveðið að byrja á því að fara í Auschwitz. Komum með lest snemma um morguninn og fengum að leggja okkur á hostelinu í nokkra tíma áður en við fórum þangað. Mjög skrítið að lýsa því að vera þarna. Þetta skilur eftir sig, en samt ekki. Maður þekkir ekkert þessu líkt, þ.e. svona mannvonsku eða erfiðar aðstæður til lífs. Þannig að maður á erfitt með að setja sig í spor fólksins sem upplifiði alla þessa vonsku sem það átti ekki skilið. En maður veit þó hvernig það er að vera manneskja og hvernig maður á að koma fram við aðra þannig að ferðin í gegnum Auschwitz og Birkenau skilur eftir sig mikla bræðistilfinningu gagnvart Nasistunum því maður skilur ekki hvernig hægt sé að koma svona fram við einhvern.

Með mínum uppáhaldsstöðum í heiminum. Ulica Florianska í Krakow í Póllandi. Við annan enda hennar er Glowny torgið, aðal torgið í Krakow og við hinn endann er Florianska hliðið. Megafínt að vera í Krakow, enda er hún uppáhaldsborgin mín í heiminum ásamt Köben.

Frá Krakow fórum við til Prag. Þar fórum við í smá hring um borgina í bíl gerðum í Prag 1929. Það var meganæs. Erum á ófáum myndum sem túristar tóku þegar við vorum á rútninum þarna í borginni.

John Lennon veggurinn.

Steinunn Eik hjá klukkunni á gamla torginu í Prag. Við vorum að bíða eftir að hún myndi slá svo við myndum sjá þessa klukkusláttarsýningu. Á hverjum einasta klukkutíma safnast fyrir þvílíkur fjöldi túrista og horfir á þegar fígúrurnar fara að hreyfast. Mega spennandi! :P

Venus í skónum. Gebba flippaðar týpur þessar.

Misnotkun á Kafka.

Fórum til Berlínar frá Prag. Fórum í svona FreeTour um borgina - mæli með því. Maður tippar bara guidinn í endann. Voðalega fínt og maður fær góða leiðsögn um borgina. Þetta er hluti af minnisvarða um alla þá Gyðinga sem voru drepnir af höndum Nasistanna í seinni heimsstyrjöldinni. Stjórnvöld Berlínar eru að gera það gott með það að höndla þessa sögu sem er ekki Þjóðverjum hliðholl. Þeir viðurkenna fyllilega þá hluti sem voru framkvæmdir og eru núna ekki að vinna úr þeim með því að sópa yfir þá heldur að taka fulla ábyrgð og setja upp minnisvarða um allt það sem fór úrskeiðis til þess að sýna fólki að svona megi ekki koma fyrir aftur.

Þetta er Berlínar múrinn. Reyndar var múrinn ekki bara einn veggur, heldur 2 veggir með stundum langa vegalengd á milli sín sem var kallað the Death Zone, þar voru hindranir og vel fylgst með svo að ekki væri hægt að stelast þarna yfir.

Brandenburgar hliðið. Þarna rétt hjá er Starbucks og þar fékk ég eina svakalegustu súkkulaðiköku síðari tíma. Mæli með henni, samt bara lítilli sneið, enda fær maður ógeð. ;)

Þarna erum við á elsku Hróarskeldu. Svona var allt svæðið. Maður labbaði í 10 cm. drullupolli allt sem maður fór. Það flæddi inn í sum tjöldin og fólk var farið að gera skurði til þess að ekki læki inn í tjaldið. Það ringdi á okkur stanslaust í sólarhring og tjaldið meikaði það ekki. Á tímapunkti vorum við með regnhlíf yfir okkur inni í tjaldinu. Það segir dálítið mikið um ástandið þarna. Enda flýðu ég og Steinunn heim á undan áætlun! ... Maður verður að bjarga sér.

Steinunn og ég fórum og sáum smá af Arcade Fire. Þar vorum við fyrir utan tjaldið og drifum okkur í burtu því það var svo mikil rigning. Sáum því ekki mikið. En við ákváðum að drífa okkur bara á LCD Soundsystem og þar vorum við nánast upp við sviðið í engri rigningu. Það voru geggjaðir tónleikar og klárlega einu þeir bestu sem ég hef farið á held ég bara! :D Hlakka til að fara aftur á þá einhvern tímann. Svo fórum við á Orange og sáum rétt bláendann á The Killers, stemming þar! Biðum eftir að Björk byrjaði og vorum frekar nálægt. Gáfumst svo upp vegna kulda og bleytu þegar tónleikarnir voru hálfnaðir. Maður labbar ekki af Björk sísvona, en löngunin fyrir því að vera mínútu lengur í þessari stanslausu rigningu var ekki mikil! Fórum því inn í tjaldið góða sem lak. Nóttin eftir var köld og því ákváðum við að flýja til Odense í hlýtt og gott hús hjá Pétri Ottesen og Berglindi sem tóku ofsalega vel á móti okkur með síginni grásleppu! Gátum ekki fengið meira íslenskan mat! Dvölin þar var himnesk enda alveg búnar á því andlega og líkamlega.

Flugið heim gekk svo vel og var geggjað að knúsa pabba þegar ég kom út úr flugstöðinni.

Heima er best. Skemmti mér ágætlega á lopapeysunni og komst loksins í rúmið eftir rúma sólarhringsvöku. Bölvaði því að vera á bíl þegar ég var að keyra fólkinu sem aldrei vildi fara heim! ;)

Vil vinsamlegast að fólk skrifi ef það hefur lesið allt, sem ég efast um að það gerir, en hvað um það! ;)

- EdrúRagga! :)

2007-06-20T11:19:00.000Z

Sit nuna sveitt a internet doti i Rom.
Erum bunar ad kikja i Vatikanid, saum Pafann btw - klarlega med thetta! Eg a mjog oskyra mynd af pafanum! Thad er geggjad!

Forum ut a lifid i gaer. Getid orugglega sed okkur bregda fyrir a myndum inni a www.myspace.com/pubcrawlinrom - thad var geggjad. Folkid var ekki alveg ad meika ad segja Ragnheidur svo eg var kollud Iceland!

Rom er samt geggjud. Saum Piazze de Venezia, Colosseo, Vatikanid og eitthvad meira. Hofdum ekki tima til thess ad fara i Sistine Cappella thannig ad eg a eftir ad koma aftur til Romar! Mun sja thad adur en eg laet lifid!

Bid ykkur vel ad lifa!

Ciao!!!

2007-06-13T07:28:00.000Z

Aetla adeins ad lata i mer heyra. :)

Annars koma faerslur vid og vid inn a www.blog.central.is/interrail2007.
Bunar ad vera i London, Kroatiu, Bosniu og erum nuna i Serbiu.
Verdlagid er vodalega hagstaett fyrir "riku" islendingana og vid nytum okkur thad ospart thegar thad kemur ad mat. Erum bunar ad fara ut ad borda a fina veitingastadi fyrir upphaedir eins og 800 kr islenskar. Fyrir bollur eins og okkur er thad afar mikill kostur.

Erum bunar ad smakka nokkud af thvi sem telst svona "thjodarrettir" a thessum svaedum. Ekki gott. Heh... Tha vil eg frekar bara pulsu og kok. :) En madur verdur ad profa hlutina.

Forum i siglingu um Elafiti eyjarnar i Adriahafinu fyrir strond Kroatiu, forum a "djammid" a Latinu Club i Kroatiu, hittum thar vafasaman mann sem vid plotudum til thess ad bjoda okkur drykk og reyndum svo eftir bestu getu ad losna i burtu fra honum... ehhe... vid erum svo godar manneskjur inni i okkur. Annars erum vid bunar ad skoda um i Sarajevo, Mostar og pinku ponsu i Banja Luka -allt i Bosniu. Sarajevo stendur uppur. Aetla ad reyna ad koma thangad aftur ef eg hef tok a thvi.

Dubrovnik var samt thvilikt naes. vorum i "penthouse" hehe... forum a strondina, skodudum gamla baeinn, lobbudum uppi a veggnum sem umlykur gamla baeinn og svona.

En thetta er komid gott eins og er. Aetlum ad fara ad kikja adeins i midbae Belgrad, en thar erum vid staddar eins og er. Myntin er eiginlega su sama og islenska, en tho er mun odyrara her. Reyndar eru fot og skor jafn dyrt og heima. Sennilega litid verslad a medan vid erum herna.

Bid ad heilsa heim!

2007-06-03T23:58:00.000Z

úúúúúffffhh!

ekki á morgun, ekki hinn, heldur hinn leggjum við 4 af stað!
almáttugur.

vinnan á sjúkrahúsinu er æðisleg.
sumarið verður meiriháttar, bæði á meðan og eftir interrail. *væmn*

núna eru bara síðustu dagar fyrir brottför og skipulagning í hámarki.
- djammið lifir!

stefni á tanið sem aldrei fyrr. ég og eva á akureyri um versló í fyrra! :D

2007-06-02T01:20:00.000Z

Er að vinna í Shell og svo í aðlögun á sjúkrahúsinu þessa helgina. Smá svona nett vinnutörn rétt áður en við förum út.

Ég kvíði ekkert smá fyrir því að fara. Ji.
Hvað með mömmu, nú eða pabba? Þarna verður engin elsku mamma. Þarna verða bara bendingar og reyna að gera sig skiljanlegan babblandi alþjóðamálið; enska og handahreyfingar. Hvað erum við búnar að koma okkur út í?

Ég veit alveg þetta verður ævintýri. En núna finnst mér þetta dálítið stór biti að kyngja. Ekki alveg að meika þetta, ef ég á að segja alveg satt.
Verð örugglega fegnust því að vera komin upp í flugvélina til London á miðvikudagsmorgun.

En annars líkar mér afskaplega vel við vinnuna á sjúkrahúsinu. Þetta er eitthvað alveg nýtt fyrir mér og kann ég afskaplega vel við - allavega enn sem komið er. :)

HræddaÞreyttaRagga kveður!

2007-05-28T12:13:00.000Z

Deep Purple - Uriah Heep

Fór á tónleikana í gær með Ásdísi. Móðir var ekki á landinu og því dreif ég Ásdísi með mér.
Var með gæsahúð á Uriah Heep. Þeir tóku July Morning og ég missti næstum þvag úr gleði (en það gerðist ekki sko!!). Tónleikarnir voru mjög góðir, en þar sem ég hef ekkert brjálað gaman að Deep Purple þá fannst mér Uriah Heep mun skemmtilegri. Gillan og félagar voru frekar þreyttir.

En já, voða voða fínt samt. Á eftir að sitja lengi í mér að hafa heyrt July Morning live því mér þykir svo vænt um lagið úr leikritinu.

Ásdís var líka ógeðslega fyndin ... ætli íhaldsbíllinn hafi haft svona mikil áhrif á hana? .. ég vil halda því fram. :)

Annars var bara ofboðslega gaman í útskriftarteitinu. Flestir fóru svo á ball, nema BitraRagga. - Nei djók! Biturleikinn alveg farinn úr mér... :) Allir ofboðslega sætir og fínir að skemmta sér saman og ógeðslega mikið af fólki í góðu partýi :D það var skemmtilegt.

Vil meina að þetta hafi nú bara verið ágætishelgi. Á föstudaginn var horft á UngÍsl. Hanna, Jason, Lára, Elín og ég horfðum, svo komu Gummi og Hinni og veittu okkur félagsskap yfir krýninguna. Voða næs bara! :)

Jújú, nokkuð góð og viðburðarrík helgi. :) Djammið lifir. :)

2007-05-25T16:41:00.001Z

Er í heiftarlegri fýlu þessa dagana.
Er eins og 5 ára bitur krakki sem fékk ekki nammi á laugardag. Ekki nógu gott.
Samt alveg bara mest út af engu.

Búin að fjölfalda DVD diska fyrir lífstíð. Aldrei aftur!
Hægt að ná sér í eintak uppi í Fjölbrautaskóla.

Þarf að finna 3 útskriftargjafir og taka til í húsnæðinu mínu.
En af því að Bitrheiður er á svæðinu þá nenni ég ekki.

Jæja. Tilgangslaus færsla.

Planið fyrir helgina er að horfa á UngÍsl í kvöld, útskriftaveislur á morgun og teiti, tónleikar á sun og að lifa fyrir djammið.
Ætla að fara að horfa á fleiri Friends og athuga hvort að fýlupúkinn fari ekki úr mér...

Pirrheiður Bitriksdóttir

2007-05-24T15:59:00.000Z

Nett geðveiki í gangi eins og er.

Er að fjölfalda Almost Famous DVD diska eins og enginn sé morgundagurinn. Þetta er nú allt sem betur fer að verða búið :) Elín kom áðan og ég held að það hafi bjargað geðheilsunni á vissan hátt. Að sitja við þetta í næstum 7 tíma er ekki mesta skemmtun í heimi. En ég á ekki eftir nema um einhver 10 eintök eftir af 80 stykkjum (40 eintök af leikritinu í heild sinni, það er á 2 diskum). Djammið lifir.

Svo er það bara stíf dagskrá það sem eftir lifir dags. Fara með ömmu upp í kirkjugarð, fótboltaleikurinn ÍA - Fram og svo ljós eftir leikinn ef ég fæ tíma. :) Þannig að það vantar ekki fjölbreyttnina í daginn, þó svo að hann sé búinn að vera einhæfur framan af.

En þetta er nú heldur ekkert búið að ganga eins og í sögu. En það er allt dót heilt ennþá, því ég er svo miklu jafnaðargeði gædd að ég hef ekki látið pirringinn minn í ljós og ekki gefist upp ennþá! ;)

Nóg um að vera um helgina. Ungfrú Ísland annað kvöld þar sem Agla, Helena og Fríða eru að keppa og munu að sjálfsögðu rústa keppninni, 2 útskriftarkaffi + útskriftarteiti á Barbró um kvöldið í góðum hópi fólks :):) Svo á ég líka 2 miða á Deep Purple + Uriah Heep á sunnudaginn. Áhugasamir um að fara með látið mig vita því að ég hef engann til að fara með fyrst móðir fór til USA.

Mæli með eftirfarandi lögum:
Black Magic Woman - Santana
The Rain Song - Led Zeppelin
Bourré - Jethro Tull
July Morning - Uriah Heep

2007-05-22T22:36:00.000Z

Á morgun eru 2 vikur. Á morgun er vika þangað til að Nanna ætlar að koma og athuga hvort við séum ekki alveg örugglega búnar að pakka niður svo að við getum æft okkur að labba með bakpokann! 30. maí munuð þið sjá okkur 4 saman þrammandi um göturnar með bakpokana ef Nanna fær að ráða.

Margt komið á hreint fyrir þessa blessuðu ferð.
- Búin að athuga með tryggingarnar
- Búnar að panta gistiheimili fyrstu 2 næturnar í Dubrovnik - erum að spá í að bæta við einni nótt í viðbót :)

- Við verðum í the Old Town - einhversstaðar þarna að þramma um göturnar.
- Erum líka að spá í að fara í siglingar um eyjarnar við strendur Króatíu, á víst að vera afskaplega fallegt! :)
- Við eigum reyndar engan interrailpassa ennþá, þurfum að ákveða daginn pottþétt sem það byrjar að virka.
- Ég verð með ljótasta bakpoka norðan alpafjalla, þótti töff 1994 ... Sólveig, það eru 13 ár síðan þú fermdist!!! - s.s. bakpokinn er ekki lengur töff!
- Búin að fjárfesta í fallegum fatnaði, hallærislegum sandölum og öðru sem mun ýkja töffleika minn þessar 5 vikur! :)
- Eigum flug til London, flug frá London til Króatíu, miða á Hróarskeldu og flug heim frá DK og gistingu í Köben síðustu nóttina okkar í ferðalaginu.

Guð minn almáttugur þetta verður búið áður en ég veit af! En elskan mín góða hvað ég er orðin spennt! 15 dagar eins og er! :D

2007-05-21T00:03:00.001Z

Skólinn búinn. Gerði engar gloríur þessa önnina, náði öllum og uni, svona, ágætlega sátt við mitt. Hefði mátt gera muuuuun betur en maður fær víst ekki allt.

Reyndar kemur það upp á móti og veitir mér mikla gleði hvað ég gerði margt annað heldur en ég hef gert á neinni annarri önn. Reyndar allt síðasta árið, en það kom ekki niður á náminu á síðustu önn eins og það hefur gert núna. Þá var ég heldur ekki í P-áfanga og árekstri og leikriti. Öll vinnan í sambandi við nemendafélagið þetta heila ár réttlætir fyrir sjálfri mér þessar einkunnir að stórum hluta. Ekki það að þær þurfi réttlætingu, en samt finnst mér það, enda hefur mér aldrei gengið jafn illa í skóla eins og þessa önn. En ég er sátt! :):)

Fór á Trentemøller í gærkvöldi með Steinunni, ég brunaði í bæinn eftir vinnu, kl hálf 12 og við skelltum okkur. Vegna fótmeiðsla og þreytu lögðum við af stað heim um 3 leytið held ég... :) Var afskaplega fínt að komast út og dansadansadansa. Munar líka þvílíkt að það megi ekki reykja þarna inni. Reyndar var svitafýla og líkamslykt í miklum mæli, en þó skárra en að fá reyk í augun og í loftið.

Á morgun er planið að fara í bæinn eftir prófsýningu með Láru, versla nauðsynjar fyrir Austur-Evrópu, í bíó og svo á HK-ÍA. Djammið lifir!

Bleeeeee!

2007-05-17T21:00:00.000Z

Myndir frá Akureyri

Ég og Steinunn mín hressar á söngkeppninni!:D

Það var stemming og þarna eru Lára, Nanna og Elín:D

Léleg tilraun til þess að taka mynd af fjöldanum, en Þór og Steinunn sjást þarna eitthvað!

Ég alveg með þetta!

Lára og Nanna í bílnum á leiðinni á ballið!:)

Ég og Nanna fyrir utan ballið, bláedrú að sjálfsögðu!;)

Ballið alveg að verða búið og þær hressar að vanda!

Alskonar myndir

Skiltið okkar :):)

Margrét Elva mín .. tókum smá myndaflipp heima um daginn :D

Hún er svoooo sæt :D

oooog hérna er hún með bláu fínu augun sín ...

svo eru bara 20 dagar í króatíu! :D

2007-05-14T18:32:00.000Z

allamalla.

var í mjög svo snúnu stæ503 prófi í dag. veit ekki aaaalveg hvernig það fer. piiirrandi - vægast sagt! gekk mjög illa og gat ekki klárað prófið. lengri próftími hefði verið vel þegin í þessu tilviki.

síðasta prófið á morgun. get ekki beðið. reyndar þarf ég að klára 2 ritgerðir líka. en svo er ég búin. :)

kaus í fyrsta skipti á laugardaginn. ég var afskaplega ánægð með mitt atkvæði og veit að ég kaus rétt. allavega fyrir mitt leyti. maður á að kjósa eftir sinni eigin sannfæringu og vilja og það gerði ég.

mér finnst það að fá að kjósa, þvílíkt gaman. gaman að fara fínn í tauinu á kjörstað, merkja við sitt og labba svo út í þetta góða veður, sáttur með sitt litla framtak í því að kjósa til alþingis. svo var kíkt á leikinn og í kosningakaffi. eftir vinnu kíkti ég svo á kosningavöku og hafði gaman af, langt frameftir kvöldi.

reyndar ekki jafn gaman að vakna eftir 4 tíma svefn og gera tilraun til þess að læra heilan stæ áfanga á einu bretti. ég, kiddi og snæ lærðum í allan gærdag og ég og snæ vorum uppi í skóla til hálf 4, mættu svo aftur upp í skóla rétt fyrir 8 í morgun. prófið var kl 9 og við ferskar sem fiskur!

lagði mig svo allt of lengi - og varla byrjuð að læra fyrir ísl próf á morgun. djamm!

hafiði það gott:)

2007-05-09T12:36:00.000Z

Ómæj!

Í dag eru 4 vikur þangað til við leggjum af stað til London. Þaðan förum við til Króatíu og svo ferðumst við um Austur-Evrópu í 4 vikur. Skoðum ýmsar hliðar menningar og færum okkur svo að lokum norður á bóginn og upplifum danskt fjölþjóðasamfélag á Hróarskeldu hátíðinni.

The Who, Peter Björn and John, Muse, Red Hot Chili Peppers, Queens of the Stonage, BJÖRK, Bookah Shade og fleiri góðir! Jidúddamía, ég hlakka svo til! :D

10. júlí snúm við aftur í norðrið, kuldann, rigninguna og allt hitt sem einkennir íslenska sumarið! :D Bjart allan daginn og vinnan!

Ég er orðin svo spennt!!!! :D

2007-05-05T16:47:00.000Z

Þó svo að maður sé að bifast við það að ná árangri í prófum í skólanum þá þýðir það ekki að maður megi ekki standa sig vel í skóla lífsins í leiðinni.

Með þetta að leiðarljósi þá lærði ég .ekkert. í gær, þrátt fyrir frídag. Fimmtudagurinn var afskaplega fínn að öllu leyti. Prófið gekk svona lala, ekkert alltof vel - en við spyrjum að leikslokum. Ég fór svo og keyrði með Elísu, gullmolanum mínum og ekkert nema gott og blessað um það að segja. Um kvöldið læddist ég út og fékk mér göngutúr með Rakel niður á kaffihúsið og við ætluðum að kíkja á Ferlegheit spila. Við mættum ekki nema svona hálftíma of snemma þannig að við vesenuðumst með Eydísi og kíktum svo upp á kaffihúsið aftur. :)

Svo hitti ég Hönnu, Hinrik og Snædísi þar sem þau voru á leiðinni að fá sér matarkyns. Við átum og eins og okkur er lagið og kíktum svo á kettlingana heima hjá Snæ. Svoooo sætir að mig langaði til að eiga eins og eitt stykki:). Við ætluðum í borðtennis en klikkuðum eitthvað á því enda erfitt að slíta sig frá kettlingunum. :) Ég og Hanna keyrðum svo alltof lengi miðað við að gærdagurinn átti að fara í ritgerðarsmíðar. =) tíííhí.. en það er allt í lagi ;)

Keyrði með Kristínu minni í gær áður en hún fór í vinnuna. Við vorum í því að syngja hátt með Celine Dion enda rótsvalar gellur við tvær. Um kvöldið var ég svo bara í vinnunni að meika það sem starfsmaður mánaðarins! Djóóóók! Finnst samt að ég ætti að fá medalíu fyrir hröð og góð vinnubrögð við skúringarnar í gærkvöldi! Var komin út á mettíma og alveg með þetta. Brunaði svo heim með lint í dekkinu á hjólinu og var alveg með þetta að vanda í heitleika og ferskindum!

Ég ætlaði svo að mæta á villt djamm niðri á Ægisbraut þegar ég var búin að ýkja ferskleika minn og ná í ökutæki á fjórum hjólum. Það vildi nú ekki svo betur til en að þar var öllu lokið og ekkert að gerast nema þrif og tiltekt. Leiðinni var svo bara haldið á nýjan og betri stað með "köllunum" Viðari og Þór og fleirum sem ég skutlaði beinustu leið heim - Skútan var alveg málið kvöld þetta! Þeir voru náttúrulega nýbúnir að meika það fyrir framan alþjóð á Ægisbrautinni og ég er ekki frá því að ég hafi fengið dálítið af stjörnuryki á mig í tilefni þess. Enda þeir "kallarnir"! Svalir!

Ég, Viðar, Ásdís, Ása og Ólöf fórum svo til Veru og þar var gert í því að klappa Viðari og Jón Vali á hausnum. Svoooo mjúúúkt á þeim hárið með broddaklippingu. Ásdís var líka í því að lemja fólk af engu tilefni en það er bara krúttlegt. Svo var rædd pólitík og djöfull er það leiðinlegt umræðuefni, en það er allt í lagi svona við og við.

Kvöldinu lauk svo með því að ég og elsku Ása mín sigruðum myrkrið aftur og fórum alltof seint heim miðað við próflestur sem átti að vera ríkjandi í dag á mínum bæ. Kannski óþarfi að taka það fram að ég hef ekki lesið heila línu í dag. Ritgerðarsögupróf á mánudaginn og því betra að vera vel lesinn. En á morgun!

Hafiði það gott og vonandi að þið hafið ekki andast við leiðinlegheit þessarar færslu!

Fragga Ri!

2007-05-03T11:07:00.000Z

Prófin að byrja með tilheyrandi ljótu og þreytu.

Erfðafræðipróf á eftir kl 13.00 og ég er að gefast upp. Metnaðurinn fyrir fyrsta prófinu er ekki upp á sitt besta, enda er ég að frumlesa efnið, um 200 bls af óskiljanleika.
Hressandi.

En það sem ég ætla að gera eftir próf er mjög svo hressandi. Ég ætla að leggja mig, kíkja svo í göngutúr eða rúnt með Elísu minni og fara svo á tónleika með Ferlegheit í Skrúðgarðinum. Verður afskaplega næs.

Svo bara vinna á fös og laugardagskvöld, þannig að lítið um skemmtun á þeim bænum og læra inni á milli! :)

Annars finnst mér rifrildi og persónuníð á netinu glötuð. Sumt fólk segir hluti á netinu sem það myndi aldrei segja við manneskju augliti til auglitis, það er merki um óþroska og vanmátt.
Og hananú!

- Lifið heil! :)

2007-05-01T17:56:00.000Z

Ég hef aldrei verið brjálaður aðdáandi Pink.

-En hún er samt þvílíkt hæfileikarík.

Fæ gæsahúð upp úr og niðrúr þegar ég hlusta á Dear Mr. President með henni.

Hún hefur svo fína rödd.
Svo er umfjöllunarefni textans verðugt.

Mæli með því.

2007-04-29T15:18:00.000Z

ókei, það var geðveikt gaman í gær.

tók smá survivor stemmingu á þetta og ég lifði af myrkrið... það var löngu farið að birta aftur áður en ég fór heim og mér fannst það geeeðveikt! :):) þá er svona sumarfýlingur og gaman að vera til stemming!

svaf í ca. 3 tíma í fyrri nótt eftir lokaballið. þurfti að skutla einhverjum borgnesískum strandaglópum heim til sín eftir ballið, þvi þeir misstu af rútunni. hanna maría fór með mér og bjargaði málunum alveg :):) vaknaði svo eldsnemma og var andvaka útaf ýmsu. jég var líka að vinna frá kl 13.30 - 23.30 í shell í gær... brjálað að gera í ísnum útaf góða veðrinu.. en maður kvartar ekki! ;) var reyndar með vott af þreytu ... en það stoppar mann ekki í djamminu. :)

hitti svo steinunni mína og sigurð, við ætluðum að keyra sma í hringi saman, en nei, friðrik faðir minn vantaði far (fylgir því að vera edrú - þessi keyrsla) og því var sá rúntur afskaplega stuttur. ætluðum að reyna að sameinast á ný eftir þetta skutl, en svefninn var meira aðlaðandi heldur en ég greinilega! ;) hahah!

ópólitíska manneskjan ég (ég er það ekkert.. jég bara veit ekki neitt) fór á samfylkingardjamm og skemmti mér þar afskaplega vel eftir að hanna maría og lára komu, þá áttum við dansgólfið og þar mátti sjá ansi góð múv rótækra samfylkingamanna (eeeeemmiitt.. sennilegast bara ekkert með kosningarétt þessir útlendingar). var búin að vera með kristínu krútt og ásu sætu að tala.. og það var líka ekkert smá næs :):)

það fylgir því að vera á bíl að keyra dálítið mikið... jég gerði það og oftast í voða fínum félagsskap. :) ferðafélagar kvöldsins eru ása birna og þór... ekki-ferðafélagarkvöldsins eru gamla fólkið sem ég skutlaði... mest samt svona gamli kallinn sem vissi ekki hvað hann héti eða hvar hann átti heima. þá var ég án hvorugra ferðafélaganna og ekki frá því að mér hafi ekki alveg staðið á sama um það... en mér tókst að redda því með stakri útsjónarsemi minni!

jég fór líka á mörkina - það var súrt eins og alltaf... skil ekki af hverju maður leggur eiginlega leið sína þangað - jú, af því að það er ekkert annað í boði.. :/ verður að fara að gera eitthvað í þessu! svo fór ég líka smá heim til sigga rúnars ... og líka niðrá ægisbraut í æfingarhúsnæðið... þar voru strákarnir að djamma og ég hef gaman að svoleiðis skemmtun.. miklu skemmtilegra að hafa þetta svona læv í litlum hópi .. líka bara geðveikt klárir sko...

þetta var afskaplega fínt kvöld og gaman að þessu! :):)
sendi knús á uppáhalds ásuna mína, klárlega sú langbesta sem ég þekki :*

2007-04-24T01:00:00.000Z

vottur af þreytu hérna megin...

var í skólanum í dag til hálf 4, í hádeginu og eyðunni minni var ég að vesenast fyrir nemendafélagið eins og gerist og gengur í vikunni fyrir ball (eða bara öllum vikum, en ég meina...) :) sem er nú aldeilis ágætt.

um 4 leytið mætti ég í vinnuna í shell og lifði fyrir djammið til hálf 12
það varð náttúrlega að fara eitthvað úrskeiðis og ég fór út úr shell kl 20 mín í 1 ...

mín bíða 3 stór verkefni
2 líffræðiritgerðir og bókmenntaritgerð

svo á ég eftir að fínpússa eina ritgerðina og skila heimadæmum í stærðfræði

djaaaammið lifir krakkar mínir, djammið lifir! ;)

- en ég er samt heppnari en margir, þannig að ég er samt sátt.. bara dálítið þreytt :)

2007-04-21T23:55:00.000Z

Ég vildi að ég hefði verið til 1970.

Led Zeppelin á Íslandi.

Hversu ógeðslega töff vorum við?

2007-04-17T23:17:00.000Z

Ég hata svona tómleikatilfinningu.

Ég er ekkert með tómleikatilfinningu gagnvart lífinu, heldur bara svona nokkrum hlutum. Alls ekki gagnvart því fólki sem ég umgengst, því þar finn ég bara hlýju og mjúkleika.

Ég er t.d. með tómleikatilfinningu gagnvart stærðfræði. Reyndar bara gagnvart skólanum almennt. Tómleikatilfinningin lýsir sér þannig að maður hefur ekki vilja eða löngun til þess að eyða tíma í hann. Jafnvel þó svo að maður viti að maður ætti að gera það, þá er það bara tilfinningin sem maður hefur gangvart þessum hlut svo niður á við eitthvað, að maður finnur sig einhvern veginn ekki.

Hef líka held ég bara aldrei verið svona lost í nokkru sem ég hef tekið mér fyrir hendur eins og stærðfræði. Mér líður eins og ég hafi verið sett í keppni í hlaupi þar sem allir eru með 2 fætur en ég bara einn. Ég er í stærðfræði í árekstri við erfðafræði og það eru held ég bara mestu mistök sem ég hef nokkurn tímann gert á minni skólagöngu og það situr svo fast í mér að ég sé ekki að gera eins vel og ég gæti verið að gera með tvo heila fætur.

Hvort ég myndi vinna hlaupið veit ég ekki, enda ekki sú besta í stærðfræði, en ég myndi nú sennilegast klára það. Veit ekki alveg með það eins og staðan er í dag.

2007-04-16T18:12:00.000Z

Akureyri

Það var geðveikt fínt á Akureyri. Dagarnir fyrir voru frekar mikið brjálæði, en það er víst hluti af þessu :)

Hanna María beilaði dálítið mikið á Akureyri og má hún bera skaða af. Þetta var svo ágæt ferð eitthvað :). En já, ég og Þór vorum saman í bíl og vorum svo í samfloti með Sigga, Unni og Idda Bidda á leiðinni norður. Held okkur hafi tekist að stoppa í öllum sjoppum á leiðinni ;) En það er allt í lagi. Mönsuðum pistasíuhnetur og vorum í símanum góðan hluta af leiðinni, var búin að ákveða að svara ekki í símann, en það klikkaði eitthvað. Þurfti samt alveg að vera með teppi til þess að halda lífi í bílnum hans, því miðstöðin er biluð.

En jújú, þegar við komum á Akureyri fór ég upp á herbergið mitt og kíkti á það. Það var meheganæs og var ekkert smá sátt með það. Svo fórum við og kíktum aðeins á rúntinn og sáum þá Alla, Sindra S, Sindra og Fjölni og fórum með þeim að borða á veitingastaðnum Strikið. Það var svo illa góður matur og þjónusta að ég mun alltaf muna það. :) S.s. Strikið alveg að gera sig á Akureyri. Sátum þar alveg heillengi yfir mat og drykk. Svo var eitthvað lengsta skutl sem ég hef á ævi minni tekið. En það var líka bara fyndið :).

Ég fór snemma upp á herbergi, og ætlaði svo að hitta stelpurnar mínar, Elínu, Láru og Nönnu (en ekki Hönnu Beil!!) en svo meikaði ég ekki og kúrði bara yfir sjónvarpinu og lifði fyrir djammið eins og ég geri best. :) Vaknaði reyndar í smástund aftur og sinnti starfi mínu sem ökuhæf manneskja en var ekki lengi að sofna aftur.

Mér tókst svo að sofa yfir morgunmatinn, aðeins of tjilluð á því! ;) Eyddi svo slatta af deginum með stelpunum og í fegurðarblundi og tansessioni.

Í kvöldmatnum fórum við út að borða, ég, Egill, Steinunn, Þór og Sigurður á Greifanum. Fékk geðveikt góða kjúklingasúpu. Þar var ég reyndar í hlutverki alkahólistans og ég vil meina að ég hafi ekki staðið mig vel í því hlutverki. Ég væri s.s. mjög lélegur alkahólisti! ;) Sem er ágætt bara :)

Keppnin var fín. Aðeins of heitt þarna inni. Ég og Steinunn laumuðum okkur samt fyrr inn en allir aðrir, allt þessum fínu peysum okkar að þakka. Gott að vera peysu merktri "Aðalstjórn" og svo "Ritari" ... Hahah! :D Maður verður nú að misnota sér aðstöðu sína við svona tækifæri! ;) Allt okkar fólk sat svo saman og studdum við bakið á stelpunum okkar, þetta var voðalega fínt allt saman.

Ballið var með eindæmum eitthvað. Veit ekki alveg hvað mér finnst. Var alltof mikið af fólki, fullu fólki, fólki á einhverju, fólki í slagsmálum og ég sennilega aðeins of mikið edrú til þess að standa ekki á sama. Það kom samt góð ca. hálftíma rispa þar sem ég dansaði af mér rassgatið. :)

Vaknaði fyrir allar aldir og mætti í morgunmat á hótelinu með Sigurði og Steinunni minni. Þar vorum við í félagsskap kúabænda og rokkstjarna. Jájá, árshátíð kúabænda stödd á hótelinu og elíta Íslands. Maður var allavega í góðum félagsskap. ;)

Keyrði svo með Rakel og Gumma heim frá Akureyri. Það var ekkert smá fínt og alls ekki verri ferðakostur en upphaflega var áætlað. :)

Ég þakka öllum kærlega fyrir góðan félagsskap um helgina. Þetta var afskaplega fínt! :):)

2007-04-10T19:03:00.000Z

Páskafríið búið að vera aðeins of fljótt að líða.
Skelli smá myndafærslu með því helsta.

Byrjaði allt saman í fögnuði á föstudeginum 6. apríl uppi í æfingahúsnæði. Byrjaði reyndar heima hjá Veru en ég stoppaði nú ekki lengi þar vegna vinnu. Mætti svo upp í æfingahúsnæði og þar var kátt á hjalla eins og sjá má á Ásu minni og Ásdísi :D

Hárið á Ásdísi og hljóðfæradótið sem strákarnir eiga. Jújú, megafínt bara. Vésteinn, Alli og Siggi að grúva eitthvað... Og Iddi Biddi líka.

Þarna er megasæta nýjasta frænkan mín :) Margrét Elva. Búin að hitta hana og knúsa nokkuð um páskana, enda ekki annað hægt, svo knúsileg :*

Þarna er uppáhalds "stóra" frænka mín, hún Heiður Ósk og ég. Þarna erum við á leiðinni á skauta á skírdag með móður minni og mágkonu. Ég datt aldrei á skautunum btw :)

Eitt verkefna minna í páskafríinu var að læra að pósa. Það tókst svo afskaplega vel :)

Jújú, þarna eru Heiður Ósk og Bergþóra sys. Þarna lá ég allan föstudaginn langa og smá á laugardaginn. Fór 4 sinnum í pottinn á einum sólarhring og naut þess vel :D

Jújú, svo var farið á ball. Þetta eru ég og Hanna María og Magni og félagar í bakgrunni, þið bara sjáið það ekki. Var samt bara nokkuð ágætt. :):)

2007-04-05T18:46:00.000Z

Hvað skal gjöra?

Tónleikar með Björk í Laugardalshöll 9. apríl.
Ég fór ekki að horfa á hana 1. apríl.
Ég er hins vegar að fara að sjá hana 5.-8. júlí á Hróarskeldu.
Antony Hegarty ætlar að syngja með henni 2 lög á mánudaginn hérna á Íslandi.
Ég hef hlustað á Antony. Ég hlustaði á hann 11. des. 2005 í Fríkirkjunni.
Það eru einu tónleikarnir sem ég hef grenjað á.
Það fyndna í þessu er að Björk var einmitt gestur á þessum sömu tónleikum.
Ég, hún og Antony á sama stað.
Er verið að benda mér á það að tími sé kominn á endurfundi?

Ef þetta er vísbending um að tími sé kominn á að við sameinumst 3 á sama stað
-af hverju hittist þá þannig á að ég sé að vinna og hafi ekki efni á þessu.

Ég get svo sem alveg huggað mig við það að við verðum öll stödd í sama landi aftur.

En mig langar bara svo.
Hvað á ég að gera?
Finna einhvern sem getur unnið fyrir mig, reddað mér pening og fara á tónleikana?
.EÐA. gleyma þessu bara og líta á þessa sameiningu okkar þann 11. des 2005 sem eitthvað sem gerðist aðeins einu sinni?

2007-04-05T00:50:00.000Z

Evríþeing is happeníng. :)

Búin að vera að vinna síðustu 3 kvöld og fer að vinna annað kvöld, svo er ég komin í frí alveg fram á mánudag. Það verður ágætt :)
Stefnan er tekin í afmæli á sunnudag og svo ball með Á Móti Sól. :) Á föstudagskvöldið er ég að fara að hitta railarana mína, Nönnu, Steinunni og Elínu. Þá verður eitthvað ákveðið með þessa blessuðu ferð okkar sem er eftir 62 daga ca. :D Mig langar samt geðveikt í sumarbústaðinn, burt frá tölvunni, draslinu í herberginu mínu og í heita pottinn og slaka á:) Spurning samt um að slökkva á tölvunni og taka til í herberginu og skella sér í nuddbað? .... á morgun :)

Ég er búin að fá hjólið hennar Sólveigar systur lánað og er stefnan tekin á það að hjóla eins og vindurinn það sem ég ætla mér að fara. Hef gert það í dag, hjólaði smá hjólatúr þegar ég sótti hjólið og upp í orkuveitu, svo heim og svo aftur í og úr vinnunni. Held ég að Friðrik verði sáttur með mig, þar sem hann er alltaf heima núna og líkar ekki þessi notkun mín á bílnum! :P

Mig langar suddalega mikið á Josh Groban, ég tek opnum örmum á móti fjárframlögum til styrktar því merka málefni... Skal meira að segja endurgreiða þau þegar ég fæ útborgað í maí. :)

Annars bið ég ykkur vel að lifa. Hafið það gott um páskana og gleðilega páska!

2007-04-01T21:30:00.000Z

Maður flakkar öfganna á milli.

Í gærkvöldi var ég suddalega drukkin uppi í sumarbústað með Rakel minni, Öglu, Eydísi, Kadý og Guðrúnu Selmu. Það var btw svo óóóóóógeðslega gaman :D. Þar var nú ýmist brallað sem ekki verður birt á netinu. Ég vaknaði rétt fyrir 10, með vott af þynnku, maskarann út á kinn og hárið út í loftið.

Þrem tímum síðar, sat ég í Ráðhúsinu í Reykjavík á fundi um tillögu að stofnun Sambands íslenskra framhaldsskólanema. Þar tók ég niður punkta eins og enginn væri morgundagurinn og hlustaði af athygli. Með hárið upp sett, með andlitið uppi og í fínum fötum. Sá btw ótrúlega fína mynd þarna inni. Það var einhver ljósmyndasýning og myndin var ótrúlega fín, með fullt af litum í sér, fjöllum, regnboga, gömlu húsi, sóleyjum og grænu grasi. Svo voru líka tveir kallar.

Segiði að maður lifi ekki fjölbreyttu lífi eða sé fjölhæfur. Núna er ég aftur kominn í pakkann sem ég var í í morgun; hárið út um allt, andlitið út á kinn, baugar sem aldrei fyrr og hallærislegur fatnaður. Fór nefninlega og sinnti starfi mínu sem ræstingarkona í Orkuveitunni.

Góð helgi. - Lifið heil!

2007-03-31T09:32:00.000Z

Bahahaha! Þetta hlýtur að vera djók? - Segiði mér að þetta sé djók og ekki eitthvað sem koma skal?!

HAHAHAHA!

Síðustu dagar búnir að vera meganæs, búið að vera svo brjálað að gera að mér líður eins og þeir hafi verið ár og öld að líða. Trúði því ekki þegar ég vaknaði áðan að það væri laugardagur. En þetta er nú samt allt í lagi, búin að gera páskafríið nokkuð skothelt frí frá nemendafélagsstörfum en skólinn er svo annað mál. Þarf að föndra eins og 3 stykki ritgerðir og ein heimadæmi í stærðfræði. Ég er að fíla það.

Annars mæli ég alveg með kvöldum eins og í gær. Fyrir vinnu fór ég heim til Veru og þar voru Ásdís, Sara, Vera og Kristín og við vorum að föndra Velkomin heim mat því að Kristín er jú nýkomin heim :D Vúei fyrir því! Svo fór ég í vinnuna og var að vinna með Hörpu og Jónínu. Það var bara meganæs... hélt samt að klukkan ætlaði aldrei að verða hálf 12, því að kvöldið var rétt að byrja. :)

Kl hálf 12 brunaði ég heim með góðu fari. Skellti mér í önnur föt, lagaði andlitið, náði í smá dreitil og fór niður í æfingahúsnæði. Þar var setið að sumbli og bara heví næs stemmning. Kíktum svo heim til Birgittu Þuru og já, stoppuðum ekki lengi þar vegna ýmissa vankanta. Fórum þá bara aftur niður í æfingahúsnæði og vorum þar frameftir. Ása mín elskan var á svæðinu og það var meganæs. Fullt af góðu fólki og já, heldur betri stemmning. :)

Kom heim um 4 leytið með skútuburger og gúffaði honum í mig og sofnaði svo værum svefni. Fékk far hjá Ásu mín og manninum hennar og Ólöfu. Er reyndar vöknuð fyrir allar aldir, en eins og menn segja, morgunstund gefur gull í mund. Ha jújú! Tók nokkrar myndir á símann minn sem ég deili kannski við tækifæri. :)

Raddæfing á eftir, tiltekt, sumarbústaður (vonandi gista en ég veit ei), mögulegt afmælis og kósíheit.

Hafiði það sem allra best og eigið góða helgi. Lifið heil og skiljið eftir spor á síðunni með eins og einu litlu kommenti. :):)

2007-03-29T00:41:00.000Z

Ég er þreytt. Þetta er búið að vera langur dagur í dag. Byrjaði á fundi kl hálf 9. Nemendafélagsföndri fram að umsjónartíma. Hádegið fór í meira nemendafélagsföndur. Til kl korter í 4 var ég í miðasölu og þá fór ég á annan fund. Sá fundur kláraðist kl 5 og þá fór ég heim.

Um kl hálf 6 fékk bíllinn hans pabba formannsþrif. Það var afskaplega vel þegið og á hann inni hjá mér greiða fyrir! Haldiði að það sé vel hugsað um mann ;).

Kvöldinu eyddi ég sem barnfóstra við að passa lítinn engil. Jú, hann Róbert Leó svaf eins og steinn á meðan ég fylgdist með honum. Ætlaði nú að vera voðadugleg að læra líffræði, það klikkaði eitthvað aðeins. Obbosí... En ég lærði þó eitthvað smá.

Nú er þessi dagur loksins að taka enda. Kannski ástæðan fyrir því að hann sé búinn að vera svona langur sé það að ég sofnaði aðeins of seint í gær. Eyddi nefninlega gærkvöldinu í starfsþjálfun í Orkuveitunni og tók svo í spil í góðum hópi niðri í Hvíta húsi langt fram eftir kvöldi. Já, maður lifir á brúninni, það er alveg á hreinu.

Mikið hlakka ég annars til þegar deginum á morgun lýkur. Skóli um morguninn og svo miðasala eftir hádegi. Það verður örugglega brjálað að gera, en ég meina. Við lifum í djamminu að vanda. Allavega sumir af okkur, það er alveg á hreinu! ;) Ætla allavega að fara suddalega snemma að sofa annað kvöld.

En þetta er samt allt í lagi því að Kristín mín kom heim frá Sviss og ég fékk að knúsa hana í rot ... tókum dramatískt hlaup í gegnum salinn á þetta uppi í skóla. Fékk allavega að taka minn skammt út af athyglissýki í dag þar sem að ég er ekki heil þá hlæ ég víst aðeins of hátt og öskraði smá þegar ég sá Kristínu. En það er líka bara af því að ég er svo afskaplega dönnuð týpa!

En svefn, já! Hafið það gott, lifið heil og elskiði friðinn.

2007-03-25T23:54:00.000Z

Ég er búin að eiga svo afskaplega temmilega helgi. Passlegur skammtur af öllu gerir hana góða.

Slappaði af góðan hluta. Bæði með því að liggja yfir Friends og svo með því að lesa Harry Potter.

Borðaði góðan mat í góðum félagsskap 4 sinnum um helgina. Fyrst með Líney á föstudaginn, svo með stjórninni á fundi á Galító fyrri partinn í gær, afmælismat með stelpunum í tilefni af Nönnu afmæli í gærkvöldi og svo með pabba, Óla, Siggu og Heiði Ósk áðan.

Hreyfði mig almennilega, en ég hef ekki verið nógu dugleg við það síðustu vikurnar :/ En ég fór í þrek bæði í dag og í gær. Ekkert nema harkan hérna.

Eyddi góðum tíma með fólkinu mínu, Líney á föstudagskvöldið, Steinunn allan laugardaginn, stelpurnar á laugardagskvöldið og svo familían í dag.

Búin að læra ágætlega um helgina sem að hefur ekki gerst í háa herrans tíð. Búin að skila 2 verkefnum af þessum endalausa lista mínum sem hefur hrúgast á síðustu vikurnar.

Áorkuðum miklu á þessum fundi okkar í stjórninni á laugardaginn sem er ekkert nema gott.

.... S.s helgin bara góð og næsta helgi lofar líka góðu. Reyndar lofar þessi vika bara góðu, Kristín kemur á þriðjudaginn, páskafrí á föstudaginn, sumarbústaður á laugardaginn og svo bara tjill og lærdómur og vinna í páskafríinu. Vúei! :D

2007-03-24T12:30:00.000Z

Hversu stolt er ég á skalanum 1-10? - sennilegast svona 18938208milljón

Bergþóra og hljómsveitin hennar, Magnús, unnuhæfileikakeppni grunnskólanna á Akranesi! :D
Þær eru alveg með þetta! :D Ég og mamma lágum einmitt í kasti á fimmtudaginn í Bíóhöllinni á keppninni sjálfri! Svo krúttlegt allt saman!

Svo komst Heiðrún, ein af fyrirmyndum mínum í lífinu, fyrrverandi lúðrasveitarstjórnandinn minn og góðmennskan í allri sinni mynd, inn í skólann sem hún var að reyna að komast inn. Hún rúllaði upp inntökuprófinu og hefur núna tækifæri til þess að læra það sem henni finnst skemmtilegast! :D - Til hamingju aftur!

Annars búið að leysa þetta um næstu helgi að mestu leyti. Búin að fá frí á laugardaginn allavega en ætla að sjá til með föstudaginn. Djammið lifir!

Gærkvöldið var fullkomið miðað við líðan! :D Búið að vera erfið vika og skapið í takt við það... Líney bauð mér í heimsókn sem ég þáði með skilyrðum. Ég mætti s.s í heimsókn til hennar í náttbuxum, 2 peysum, ullarsokkum, flókaskóm og ómáluð = ég eins og ég gerist best! ;) Við bolluðumst fram eftir kvöldi og lágum svo afvelta uppi í sófa og ég að kafna úr hlátri yfir Friends. Aðeins of næs!

Sofnaði á ókristilega snemmum tíma miðað við föstudagskvöld og vaknaði líka nokkrum tímum seinna og lá andvaka að berjast við sjálfa mig í langan tíma eftir það. Harry Potter bjargaði því að vísu. Svo var ég beðin um að skutla einhverjum Ingó heim og vegna þess hversu hörð ég er þá kallaði ég út liðsauka, sem ég hefði svo ekki þurft... Því Ingó var víst ekki fullur kall heldur kona og já, ekki eins mikið fullur gamall kall og ég hafði haldið! En þetta er nú í lagi ;)

Núna ætla ég að skella mér í þrek, svo á fund á Galito og svo er það bara afmælis í kvöld. Gæti verið að maður leggi leið sína á NASA í skjóli nætur til þess að skella sér á Gusgus! Yrði alveg toppurinn á annars vonandi fínum degi. :)

Hafiði það gott, lifið heil og góða skemmtun um helgina! :*

2007-03-22T12:44:00.000Z

Hvernig á ég að massa helgina 30. mars - 1. apríl?

Búið að bjóða mér með í bústað alla helgina og ég vil ekki sleppa.
Spurning um verkefni eitt sem á að gerast á föstudaginn sem ég vildi helst ekki sleppa.
Möguleiki á afmælisboði á laugardeginum sem ég myndi helst ekki vilja sleppa.
Svo fundur á sunnudaginn kl 13.00 í Rvk sem að ég get ekki sleppt.

Vandamálið ofan á þetta allt saman er að ég á vinnuhelgi.
Hvernig massar maður svoleiðis? Vinna frá 19.30 - 23.30 á fös og á laugardaginn frá 13.30 - 23.30. Frí reyndar á sunnudaginn svo að það er ekkert vandamál með fundinn í bænum.

What to do? What to do?

2007-03-20T16:58:00.000Z

Slæmur dagur? - Já, veistu ég held ég leyfi mér að fullyrða það.

næstum því búin að sofa yfir mig í morgun
hnútur í maganum í allan morgun - kláraði samt eitt líffræðiverkefni í tvöfalldri eyðunni minni
mikilvæg ákvarðannataka í hádeginu
ákvörðunin fólst í því að fara heim
á leiðinni heim, sem tók ca. korter tókst mér að öskra, grenja, hlæja og svo bara ekkert (tilfinning sem er óþolandi, að finna ekkert)
ég er s.s. þreytt og með tilfinningarússíbana í maganum
lagði mig þegar ég kom heim
í anda dagsins þá hrökk ég upp klst síðar eftir að hafa dreymt martröð
svo er ég að fara að vinna í kvöld frá 8 til hálf 12 - ljósi punkturinn í þvi er sá að Elísa er að vinna memm :D

Má bjóða ykkur eitt stykki svona dag? - Ónei, ég myndi ekki bjóða versta óvini mínum upp á svona ... en þetta er allt í lagi, bara 78 dagar eða svo í útlönd! :D

Fékk MEGAgóðar fréttir áðan... Kristínið mitt kemur heim á þriðjudaginn í næstu viku!!! s.s. eftir VIIIIIIKU !!!! VÚEI! :D

2007-03-19T17:02:00.000Z

-.B.J.Ö.R.K.- er að fara að gefa út nýja plötu sem ber nafnið Volta.
Jeg glæder mig meget!
Antony minn ljær henni einnig krafta sína á plötunni þannig að ég held að þetta geti eiginlega ekki klikkað.

Ég held líka að ég ætli að kíkja á hana á styrktartónleikum .Forma. þann 1. apríl n.k. :)

2007-03-18T16:58:00.000Z

Ókei, ég verð oft úberhæperspennt yfir einhverju, en ég hef aldrei lent í því að ofanda. Allavega ekki svo ég muni.

Ég var að fletta Fréttablaðinu í dag og sá þá flennistóra auglýsingu sem vakti athygli mína. Í gleði minni fór ég að fella tár og ofanda með þeim afleiðingum að ég varð heví ringluð og lagðist upp í sófa með poka til þess að anda í. Núna er ég að jafna mig.

Við erum að tala um það að ég hafi hágrátið þegar ég heyrði fyrst í þessum manni í Ally MacBeal hérna forðum daga og svo hjá Oprah stuttu seinna.

Josh Groban er að fara að halda tónleika með Sinfóníuhljómsveit og Gospelkór Reykjavíkur þann 16. maí n.k.

Ég ætla sko ekki að láta mig vanta! Ég mun mæta vopnuð vasaklút og öðrum nauðsynjum til þess að gera þessa kvöldstund sem ánægjulegasta. ;D

2007-03-16T15:56:00.000Z

Hlusta á Zeppelin og [mamma] ferðast aftur í tímann.

Tónlist er svo skrítin. Mamma hlustaði á Led Zeppelin þegar hún var á mínum aldri. Ég er að hlusta á þeirra lög í fyrsta skipti núna (byrjaði að hlusta fyrir ca. ári síðan eða svo..) og skapa minningar í kringum þau, eitthvað sem ákveðin lög munu minna mig á seinna meir. Þegar ég er með mömmu í bíl eða hvar sem er, þá fær hún alltaf hálfgert nostalgíukast því hún rifjar upp minningar sem hún tengir við lögin þeirra - þau sem ég er rétt að kynnast núna. Og þetta eru lang flestar minningar frá því þegar hún var á svipuðum aldri og ég er núna.

Samband mitt og Led Zeppelin er sterkt og greinilega mömmu og þeirra líka. Gaman að geta fundið tengslin hjá okkur báðum við einhverja tónlist en það hefur ekki gerst hingað til. Tengslin á milli mömmu og Zeppelin, og svo mín og Zeppelin, urðu til með 30 ára millibili en samt á sama tímabili í lífi okkar beggja.

Ætli þetta sé hluti af arfleiðinni? Það kæmi mér ekki á óvart þó svo að ég myndi lenda í þessu með dóttur mína einhvern tímann (nú eða son) enda er tónlist þeirra ódauðleg og mun örugglega lifa lengi áfram.

2007-03-14T12:29:00.000Z

... það er svo geðveikt gaman að vera fátækur námsmaður.

Í tilefni af því að síminn minn var úrskurðaður látinn og að lánssíminn gafst upp í morgun þá ákvað ég að kaupa mér nýjan síma.

Hér má líta gripinn, þetta er nýrri týpan í Motorola fjölskyldunni.

Ég er helsátt með kaupin!

Leiðinilegt að eiga ekki fyrir þessu, en ég meina, þetta reddast?
Hann er allavega kominn í hús og það er varla hægt að skila honum núna, nei veistu.

2007-03-12T23:13:00.000Z

Síminn minn er í viðgerð. Það sem pirrar mig mest við símann sem ég er með í láni er það að ég get ekki snoozað. Annars er síminn yndislegur Nanna mín! ;*

Að snooza er eitthvað sem ég geri óspart þegar ég hef tækifæri til þess. Venjulega stilli ég klukkuna einum og hálfum tíma áður en ég á að mæta og snooza svo í klukkutíma áður en ég fer framúr. Það er bara aðeins of næs.

En á móti kemur líka að ég er með svakalega fóbíu fyrir því að sofa yfir mig. Þess vegna finnst mér svo pirrandi að get ekki ýtt á snooze og fullvissað mig um að ég geti sofið í smá stund vegna þess að síminn pípir aftur eftir 9 mínútur og hann mun vekja mig.

Þetta er erfitt líf. Það þýðir heldur ekkert að segja, já, en af hverju sefurðu ekki bara í klst lengur? Það er bara alls ekki það sama og að kúra sér í klukkutíma lengur og dotta inn á milli snooza. Aðeins of næs :):)

81 dagur í London, 82 dagar í Króatíu! Vúei! :D

2007-03-09T20:56:00.000Z

Það var geðveikt gaman í gær.
Allt gekk eins og í sögu og leynigesturinn sló í gegn. Bubbi Morthens klikkar aldrei!

Þetta var geðveikt kvöld og ég mun eiga minninguna lengi :D
Myndaflipp, stuldur, vídjó, svefn, dans, kjóll, kossar og knús, hlátur og hristingur!

Ása og ég.

Æjh, þetta var svo indælt.

2007-03-06T22:50:00.000Z

Ég lá í kasti í dag ein með sjálfri mér. Mér tókst nefninlega að týna nýjasta fjölskyldumeðlimnum, henni Roomba iRobot - sjálfvirku ryksugunni. Ég heyrði að hún var hætt að ryksuga en ég hélt hún væri bara í sinni homebase (hún á að rata þangað sjálf). Svo fór ég að athuga með hana og sá að hún var ekki þar, þannig að þá hófst leitin. Ég skreið um á 4 fótum og kíkti út um allt og inn í lokuðu herbergin og gerði dauðaleit að ryksugunni.

Segiði svo að maður lifi ekki á brúninni með svona ryksugu. Ég hélt án gríns að hún væri bara alveg glötuð, var næstum búin að hringja í pabba og segja honum að hún væri týnd og svo að hringja í Steinunni til þess að hlæja með henni að þessu! En ég hamdi mig, því ég áttaði mig á að hún gæti ekki hafa farið langt! Ég fann hana loksins undir náttborði hjá pabba. :D

Annars er ég bara farin að hlakka til árshátíðarinnar, stresshnúturinn farinn úr maganum! Þetta verður allt í lagi. Vorum nefninlega að staðfesta leynigestinn okkar, en hann er ekki af verri endanum og það verða nú allir sáttir með þann gest! :D

Þetta er s.s. allt að smella. Ég fer í fyrramálið í bæinn með Steinunni minni að fixa peysumál fyrir NFFA og kaupa dót sem þarf að kaupa fyrir árshátíðina. Svo er það beint í miðasöluna og föndra salinn fyrir árshátíðina. Svo er fundur með helstu aðilum tengdum gæslu á ballinu og svo áframhaldandi árshátíðarföndur eitthvað fram eftir kvöldi! ;)

Strembnir 2 dagar framundan en þetta verður allt í lagi þegar þetta er allt saman byrjað! :D oooog reyndar líka búið! Get ekki beðið eftir að skríða upp í rúm aðfaranótt föstudags! ;D

Kossar og knús á liðið! :*

2007-03-05T17:17:00.000Z

Er Friðrik að gefa í skyn með þessum kaupum sínum að ég nenni ekki að ryksuga? Þvílík og önnur eins fásinna.

Ég á allavega svona sjálfvirka ryksugu. Hún er samt ekki bleik eins og í Gilmore Girls.

2007-03-04T22:56:00.000Z

enn of aftur sannast það að það borgar sig að vera gæddur miklu jafnaðargeði og þolinmæði.

- þá tildæmis vekur maður ekki pabba sinn þegar maður öskrar af pirringi!

það er svoooo mikill munur að vera svona afslöppuð og dönnuð týpa eins og ég - þá nefninlega lendir maður ekki í svona hlutum eins og að öskra af pirringi og vekja pabba sinn.

oooo, seisei, nei!

2007-03-03T12:50:00.000Z

Voðalega er maður orðinn fullorðinn eitthvað þegar maður fer í heimsókn til vinkonu sinnar í hennar eigin íbúð þar sem hún býr ásamt barni sínu. Íbúðin er ferlega næs og afskaplega kósí og gaman að kíkja á þau mæðgin :):)

Hugurinn leitar stöðugt út þessa dagana. Eitthvað allt annað heldur en hérna. Reyndar myndi ég sætta mig við sumarbústaðarferð á Kópaskeri, bara smá fríí og hafa það næs og borða góðan mat. Eins og ég hef sagt þá heldur þessi ævintýrareisa okkar í júní/júlí í mér geðheilsunni. En ég er ekki á leiðinni neitt annað heldur en að vera hérna á næstunni, þannig að ég ætla að reyna eftir fremsta megni að njóta þess að vera hérna. :)

Er að fara á Incubus í kvöld :):) Vúei! Helga mín útvegaði mér miða, sem að ég er afskaplega þakklát fyrir! :) Gæti meira að segja verið að ég fari með Elísu fljótlega í bæinn og við kíkjum í Kolaportið og dúllum okkur eitthvað í bænum þar til ég fer á tónleikana :):)

Annars bið ég ykkur vel að lifa, njótið núsins og elskiði náungann! :*

2007-03-01T21:56:00.000Z

Skólaleiði á hæsta stigi hérna megin. Væri alveg til í að skólinn væri búinn (og ég rúllaði upp öllum áföngunum), allt nemendafélagsvesen væri búið (getur oft verið þreytandi - en ótrúlega skemmtilegt samt og ég myndi ekki vilja hafa sleppt þessu) og að ég væri alveg að fara út í útlöndin góðu! Núna eru bara um 97 dagar og þetta styttist og styttist.

Þessi ævintýraferð okkar stelpnanna heldur mér gangandi þessa dagana. Sé fram á ansi annasaman tíma þangað til þannig að þetta verður vonandi fljótt að líða. Söngkeppni, árshátíð, Akureyraferð, PÁSKAFRÍÍÍÍÍ (þar ætla ég að slaka á... :):)), vortónleikar, lokaball, próf og almennt djamm! Þetta verður svo geðveikt! :D

Annars gengur lífið bara sinn vanagang. Allt að róast niður núna eftir brjálæðis tíma í sambandi við leikritið. Maður veit varla hvað maður á af sér að gera og er frekar eirðarlaus, en ekki það að það sé ekki nóg að læra - manni finnst bara svo erfitt að fara að gera eitthvað svo leiðinlegt þegar maður er búinn að vera að skemmta sér mörg kvöld í röð (þó svo að því fylgi ákveðin þreyta). Svo fer núna allt í fluggírinn í sambandi við árshátíðina og ég get ekki beðið þangað til allt verður klárt og fínt og að allir byrji að skemmta sér vel og hafa gaman. :):)

Er að spá í að skella mér í góðan göngutúr og anda aðeins inn og út og hlusta á góða tónlist. Fá smá kulda í kroppinn og skella mér svo í nuddbað þegar ég kem heim... næææs! :):)

2007-02-27T18:31:00.000Z

grenj

2007-02-25T14:25:00.000Z

Aldeilis góður sólarhringur að baki.

- keypti miðann minn á Hróarskeldu
- heimsótti Sólveigu, Fjölni og Margréti Elvu
- heimsótti Óla, Siggu og Heiði Ósk smá
- föndraði afmæliskort
- fór í afmæli og fékk voða gott að borða og þar var talað
- sýning kl 22.00 sem var ógeðslega skemmtileg - svona framan af! en samt geðveikt gaman :D
- aftur afmælis - meganæs! hlóum svo mikið að eydísi á tímapunkti að mér varð illt í maganum!
- knúsaði Didda minn geðveikt mikið og kyssti!! svo langt síðan ég hef hitt þessa elsku! :D
- fórum á mörkina og það var glatað að vanda
- kom snemma heim og steinsofnaði strax
- vaknaði við 2 æðisleg sms _ ekki leiðinlegt að vakna við svona sms á hverjum degi :D takk stelpur:*
- búin að kúra mér í allan dag síðan ég vaknaði :):)
- Kristín Sandra kemur mjög líklegast í APRÍL heim og ég get ekki beðið eftir að sjá uppáhalds emómanneskjuna mína! :D:D:D - eða bara eina af uppáhaldsmanneskjunum mínum .punktur.

ææææjh! dagurinn má alveg halda svona áfram! :):)